دول ولادك

-->

الامل فوق الجبين

اترسم    ويا الحنين

فرحه جايه بشوق ياغاليه

تمسح الدمع الحزين

طوق ونور فوق ولادك

 غير الطبع ف مرادك

خلى صخر المر يبعد

عن شبابك

خلىَ سهد الصبر يطرح

فوق ترابك

نورى شموعك قيديهم

احرقى قيودك كيديهم

خلىِ شمس الحق تظهر للعيان

روح محبه وفجر طالع

 ينده الشوق ع البيبان

صََبوا فوق نبع المداين

 غدر طارح ف الجناين

غيرى بايدك شيليهم

اخلعى درع القساوة من عنيهم

وضحى كلمه وقالوها

 لجل ضلمه وصدقوها

غدرهم مهمن يكون

يفرش الرب الحنون

 فوق خطاوى المشتاقين

تصرخ الارض بمحبه

يسكن الورد الاحبه

 التعبانين

يلمح خطاوينا الشقا  وهى

ماشيه مشقشقه

تنده الافراح علينا 

لما نور الصبح يطلع

 خطوه حلوه بين ايدينا

دول ولادك

اللى اترسم بيهم فؤادك
*************************

نفسى أجيلك

ركن هادى... نفسى أجيلك

والعيون متحيره 

ناس كتيره

رايحه عنده مبدره

الوشوش كانت سعيده

 والقلوب متحيره

والخطاوى دى معاهم

 نبته فيا مخضره

أأأأه ياعينى

 لما نور الدنيا جه

نور لى عينى وألتقيتنى

..

بالهنا سلمت قلبى 

وألقى نور هديه يداوينى

بينادينى لما اسرح

طيفه بينور كيانى

كنت حاسه

 لما أغمض عينى ... اشوفه

بيحاكينى ..

شوفت نفسى 

بطرحه بيضه منوره

ويا صحبه والبخور ف ايديا 

جنه معطره

دى الخطاوى رايحه بينا

ياطبيب القلب

داوى ... دموع عنينا

ياحبيب القلب فينك

نشتكي لك

من كتير جارو علينا

نسأله بحبه 

 اللى ساكن قلوبنا

 ده ومالينا

كل شوق العاشقين

دمعه حايره والأنين

نفسى أجيلك

ياشفيعى 

لو بنظره من عنينا

نفسى أشوف الروضة

 ألمسها بأديا

نفسى أغسل ذنبى

 من كل السنين

نفسى اشوف الدنيا

 من عندك لعندى

نفسى يفرح بيها قلبى

اللى بات دايما حزين

أصل نورك ياهدينا

ياشفيع بالحب فينا

ياحبيبى ...

على الصراط تنده علينا

ما إحنا فى  دربك مشينا

ياامام المرسلين

جرحت القلب

وجرحت القلب وكان راضى

وبصدك وقتى ما فات عادى

حسيت بالقسوه هنا ف بعدك

غيرت حلاوة اعيادى

كان ايه اللى رماك على شطى

خلانى اتشد ومابيدى

انا شوفت الود وبعيونى

والحلم معاك شوقى ووجدى

كان قبلك قلبى دا كان فاضى

و سمايا ونجمه جدار هادى

بينور قلبى و على قدى

اسرحبه ويومى يفوت عادى

ايامى رسمها ف احلامى

وياك انغام تيجى ف منامى

 بتغنى افراحى وشيلالى

بسمات حلوة كتير ف سلامى

لكنه اتغير واتبدل

ف هواك السهد مايوم يسدل

 اشواق البعد اللى رمانى

على نار اوهامك واتبهدل

قلبى اللى ب جرحك صديته

ماخلاص ارتحت وخبيته

من كتر قساوتك يامنايا

كسّرت الغدر وعديته