الصبر فى زمانه البعيد
طبطب بشوق جوه القلوب الطيبه
صرخها صرخه ومتعبه
جرب تكون
واحد ف سرب المحرومين
حب وامل
جرب وقرب خطوتين
شهد وعسل
هتلاقى جنبك ناس كتير
تتمنى تبقى مطرحك
ومين دا اللى يقدر يجرحك
نبضك اكيد
غازل طريقك بالشجن
فارد عليه مليون شبك
فكر كتير
يمكن ف يوم توصل لمربط شكوتك
تلقى القلوب صبحت شموس
واهى نورتلك بالغنا فى كل النفوس
بتقول كلام هنا مغزله
صبر
وفرع ف الصدور فاتحولوا
بساتين وعايشه ف نبتها
وردايه شبكت غصنها
ويا طرف اسمه الامل ..
ايوه طرف اسمه الامل