دخلت لوحدى صفحة عمرى
الف وادور بشويش وياها
شوفت دموعى
ويا اهاتى وابتسماتى
اهيه ف حماها
شوفتنى بمسح
صفحة حزينة
والون غيرها
بورد جنينة
فجاة رفعت بسرعه
انا راسى
لقيتنى لوحدى
قاعدة بقاسى
الم احزانى
بملو ايديا
والف اركان
الظل بخاطرى
يمكن الاقى
الشوق ف عنية
لقيتنى بحزنى
بهدى ف نفسى
يمكن ترضى
على شوية
واودع ماضى
سرق على الفاضى
سنين من عمرى
وكنت انا راضى
قلت استنى
واكتب شعرى
يمكن اقدر
ارضى الوحده
العايشة ف قلبى
باجمل همسة
ف حضن ايديا
لقيت الوحده
مهيش
قاسية ولا يوم ناسية
لا دى الوحدة
دايما هدنة
تلون نور الهوى
ف عنيا
تغير روح
افكارى لذكرى
جميلة غالية عليا
دخلت لوحدى صفحة عمرى
ردحذفالف وادور بشويش وياها
شوفت دموعى
ويا اهاتى وابتسماتى
اهيه ف حماها
شوفتنى بمسح
صفحة حزينة
والون غيرها
بورد جنينة
لا مش لوحدك يا سومة انا معاكى اهو شايفانى ، صفحات عمرك تتشابه مع صفحاتى مع بعض الاختلاف البسيط فى التفاصيل و لكن نفس العناوين الحزن ، الفرح ، الالم ، الحب ، الفراق و غيرها و منقدرش نتحكم فيها لانها خارجة عن ارادتنا المطلقة لاننا بالرغم من انها حياتنا الا اننا عايشين فى مجتمع به اخرون لهم اثر كبير فى صبغة ايامنا تارة بالفرح و تارة اخرى بالجرح
تمنياتى لك بصفحات اكثر و اكثر بلون الربيع يكسوها الحب
مرسى جدا لذوق كلماتك العطرة التى تسعدنى وتفرح قلبى
ردحذفغاليتى العزيزة على قلبى ياسمين
دمتى لى بكل ود