السبت، 25 يونيو 2011

ياقطر السنين



ياقطر السنين
 اللى ماشى ف سكات


وشايل زكايب
تخبى ف أهات

دا عمرى اللى عدى
 عليا وفات

دى ضحكة صبايا
 ورافعه الرايات

دى غنوة بريئة
وسهرة رقيقة

 خدتنا حكايات

وحب مشاغب
مضيع ف عمرى
 زمان السكات


ياما جمعتنا
جوه ف بيتنا

هنا امنيات

هنا ابتسامه
وشايله السلامه

مابينا ساعات

وحب الاهات
 الجميله الندية

مابين حب سارى
 وغالى عليا

وياما وياما

ومن غير بداية
ولا يوم رويه

ياقطر الموده
ماترجعلى تانى

اشوف حب عمرى
 اللى عدى ف ثوانى

ساعتها مااغير
 ولا حاجة فيا

انا كنت راضْية
 ولسه راضِية

انا بٍدى تشهد
بحالى وعنيا

اقولك بقلبى
 ما شايله قاسية

ياقطر السنين اللى
 عدى وفات

انا أتمنى ترجع
 وتحكى حكايات

أشوفها بشوقها

 تِرجع حكاوى
وتحكى ف غناواى

 تثمر بنورها
 باجمل ساعات

ياقطر السنين اللى
 عدى وفات

انا نفسى اسمع

 كلام اللى غايب
يرجع لعمرى
 زمانى اللى دايب

بفرح المعانى
وزهر الامانى

اشوفك ترجع زمانى ف سكات

هناك 8 تعليقات:

  1. حُروفْ آنيقَه كمآ أنتِي ي نَقيَه


    دمتي بخير

    ردحذف
  2. حسيت إنها تنفع كلمات أغنية رائعة .. سلمت الأنامل

    ردحذف
  3. صباحكِ ود وورد ابتسام

    ويسعد صباحكِ بكل جمال حرف جميل وعذب

    من رقة مشاعركم ينسكب مثل مطر هنا

    وماجمل بعض الماضي والحنين بنا حينما

    يكون لأيام أجمل

    أسعدني الصباح هنا سيدتي

    دمتم بكل جمال

    ردحذف
  4. الرائعه ابتسام
    دائما ادخل هنا واقرأ كلماتك اكثر من مره فهى تعطى القلب الاطمئنان وتعطى العين الاستقرار وتعطينا الاحساس بالسعاده
    ما اجملها كلماتك هذه المره فهى تعبر عن السعاده لداخليه والتمنيات برجوع ايام السعاده حتى نعيشها مره اخرى

    هنا امنيات

    هنا ابتسامه
    وشايله السلامه

    مابينا ساعات

    وحب الاهات
    هذه الامنيات والابتسامات وحب الاهات التى نتمنى ان نعيشها ساعات
    امتعتينا بكلماتك البديعه واسعدتينا بقلمك الراقى تحيه وتقدير لكى ولقلمك
    تقبلى منى دائما تحياتى الاحـــــــلام

    ردحذف
  5. اهلا بالغالية عازفة الالحان

    نورتى المدونة بطيب كلماتك التى اسعدتنى كثيرا

    دمتى بكل ود غاليتى

    ردحذف
  6. اهلا كريمة سندس

    كما تعودت على تواجد الغتاى الذى يسعدنى


    ها انا ارى طيب كلماتك

    دمتى بكل خير ومودة حبيبتى

    ردحذف
  7. صباحك هنا وسعاده \.ريان

    اهلا بك وببديع كلامك

    كم يسعدنى ويبهج قلبى تواجدكم الغالى ورايكم الجميل

    دمت اخى بكل خير وتواصل لا ينقطع

    ردحذف
  8. الاخ الغالى الاحلام

    اسعد الله اوقاتك وايامك بكل خير وسعاده

    وادام عليك هذه المشاعر الجميله والكلمات الرقيقة والتواصل الذى يسعد قلبى بتواجدكم الغالى العطر

    مرسى لذوقك الذى تعودت على بديعه وانتظره بلهفه

    دمت بكل خير وسعاده

    ردحذف

رأيك لو سمحت