نفسى اجيلك

ركن هادى... نفسى أجيلك

والعيون متحيره 

ناس كتيره

رايحه عنده مبدره

الوشوش كانت سعيده

 والقلوب متحيره

والخطاوى دى معاهم

 نبته فيا مخضره

أأأأه ياعينى

 لما نور الدنيا جه

نور لى عينى وألتقيتنى

..

بالهنا سلمت قلبى 

وألقى نور هديه يداوينى

بينادينى لما اسرح

طيفه بينور كيانى

كنت حاسه

 لما أغمض عينى ... اشوفه

بيحاكينى ..

شوفت نفسى 

بطرحه بيضه منوره

ويا صحبه والبخور ف ايديا 

جنه معطره

دى الخطاوى رايحه بينا

ياطبيب القلب

داوى ... دموع عنينا

ياحبيب القلب فينك

نشتكي لك

من كتير جارو علينا

نسأله بحبه 

 اللى ساكن قلوبنا

 ده ومالينا

كل شوق العاشقين

دمعه حايره والأنين

نفسى أجيلك

ياشفيعى 

لو بنظره من عنينا

نفسى أشوف الروضة

 ألمسها بأديا

نفسى أغسل ذنبى

 من كل السنين

نفسى اشوف الدنيا

 من عندك لعندى

نفسى يفرح بيها قلبى

اللى بات دايما حزين

أصل نورك ياهدينا

ياشفيع بالحب فينا

ياحبيبى ...

على الصراط تنده علينا

ما إحنا فى  دربك مشينا

ياامام المرسلين

اللهم بلغنا رمضان

اللهم بلغنا رمضان 

مع هذه الدعوة الجميله التى اتمنى من الله بها ,

ان تعم ايام الخير والسعاده والامن والامان على امتنا العربية

وان تعود ببركتها عز المسلمين الى ما كان عليه .. اللهم امين

واننى لأتقدم لجميع أخوانى المسلمين بالتهنئة القلبية وان يعود رمضان علينا جميعا بأيامه الجميله ولياليه الهانئة المليئه بالروحانيات والنفحات الجميله,

 واتمنى منه عز وجل ان يرزقنا جميعا رضاه وعتقه من نيرانه بفضل الصلاة على الحبيب واتباع خطاه وسنته ونبراسه

 اللهم امين

وكل عام وانتم بكل خير وصحه وسعاده

غناوى

غناوى غناوى 

وهحكى ف حكاويى

تنور تعدل

فى كل اللى فات 

تقول لسه 

بينا اخوة 
و ثبات

 تنور كلامنا 

 ترجع سلامنا

 فيزهر ساعات

ومين اللى مرر

 علينا بسكات ؟

نقشنا ف عمرة

 بدون ذكريات !

دى غنوة قادتنا

 تنور ف بيتنا 

بحب الاهات

بتبدر حكاوى

وتملى ف اناوى

 وترفع رايات

انا الشعب مصرى 

عصرى وأمين

ولا حته منى 

ب تخفى الحنين

عشان انت مصرى

 وعصرك وعصرى 

بيعصر ما بينا

 قساوة سنين

تعالى نخضر

 جناب المدينة

ونبدر عليها

 الاسامى القديمة 

نرجع أمانا

يضم السكات

نزيح غدردايم

يبيح ف الشتات

نبطل كلامنا

  اللى غازى ف امالنا

و يطعن ف حلمة

 ويجزر ف مالنا

تعالو نرجع حلاوة زمان

 بغنوة جميله تقول ياسلام

 ترجع لطفله بريئة الامان

 تزيح حلم ظالم 
يعيش من زمان

نهد ف عمره 
نزق ف ظلمة
 نقول ياما كان

نشوف بكرة ييجى
 نقول كان زمان 
عملنا وعملنا
 وكنا تمام
ما شوفنا قدرنا
 وما حد زارنا 
غير اما جالنا
 يحلف بحالنا 
على حب زان
دا شعب الحضارة
 بكل الامارة 

 بكل السماحه بكل الصراحة

 يمرالطوفان

وقلت لحبيبى

وقلت لحبيبى بحبك كمان

يافرحة زمانى


 وهمس المكان


تجينى تنور


 ف سنين حياتى


معاك بس انت


 تهون ذكرياتى


ياشمعه امالى


 وزهرى اللى فات


وجودك بيزهر


 يغير اهات

وقلت لحبيبى بحبك بشوق

بهمس الامانى 


وروح الشروق

بحبك بكل خضار السنين

تفتح ف قلبى


 وتلمس حنين

بحبك بشمس الامانى البعيد

تنور مكانى


 تبوح بالانين

تقوله حبيبى


 بيسعد حياتى

هو النور لعمرى

سهاد ذكرياتى

بحبك بفرحة تخبى الانين

اصرخ بشوقى


 وانادى السنين

حالى منور


 بيسعد الوف


بحبك بعطفك 


ادادى واشوف

بحبك بكل معانى الامان

تجينى تنور


 ضلام الزمان


ماتيجى تقرب وتسعد ف قلب


هواك بس انت


 يااغلى ما حب

برواز أمل

برواز امل فاضى

ممدود على المية

قربت انا بشويش

ف جرحنى ف ايديا

شوفت الامل مفرود

 جوة ف بنيه

لمعت دموع عينى

بصيت كده شويه

لمحت داخله ايدين

 شدتنى للغيه

ودخلت جوة هناك

 وبكل حنيه

لقيت لقا مشدود

على قلب جنيه

حاولت امسك فيه

 ام سابنى وحديه

حسيت بان البعد

مقسوم هنا ليا

وان الملل لو طال

ما يكون سواد فيا

خرجت جرى هناك

واقفة على الميه

قابلت قلبى حزين

 شارد وما بيا

لمحت ضى هناك

عايم  لحديا

قربت منه لقيت

 نظرة ملاليه

قالتلى ما تخبيش

 ولا كلمه منسيه

قلت ساكنى  الشوق

 بسلامة النيه
قالت وانا المحقوق
سيبتك هنا شويه
انا اصلى كنت حزين
وبشوقى ياصبيا
ورجعت تانى ليك
هحكى حكاويه
لمست ايده لقيت
 روحى دابت فيا
وانا اصلى كنت غريب 
عايش لوحديا
وعشقت نبرة سهد 
سهرانة ف عنيا
اتاريها نظرة شوق
 متعلقه بيا 
قلت يابرواز ليه
 شدتنى للغيه 
وانا كنت خالى  البال 
عايش ولا بيا
لكن يامحلى القرب
محلى المدادية

الشوق

الشوق دا مات

 والحنين

عدى هنا بداله

صحى اهات الوجع

 والقلب يحلاله

احساسه مؤلم اكيد

 سارقنى لملامه

وبَذل رغم الاسى

 ساحبنى قدامه

حنينى رغم الفراق

ثاير بحنية

ينده على اللى راح

مايفوتنى وحديه

مش عارفه ليه الفراق

اوقاته محسوبة

هو الزمن نساى

ولا الامل عيبه

حنينى موجه انجرف

لخبط زمانى وراه

لما المزاح انحرف

 سرحت قلت الاه

لا قافيه نفعت فيه

 ولا حرف قال يانجاه

وقلمى حبره داب

من قسوتين وعتاب

رسايله اهيه مبهمه

مشاورها لحن وضيق

عَزفِت غناوى الضنى

هيمانه جوة طريق

غمضت عينى معاه

 وعيونى عشمانه

احضن ب ايدى الوجع

وشموعى غرقانه

وحيدة..اشكى حنين..

واسمع حفيف لشجار..

ويا هفيف الهوى.

شايل معاه اسرار

مجداف يجر الحنين

متعلقه بافكار

يطرب هوايا رنين

واسكت اقول ... محتااااااار

صندوق الذكريات

سلام الله عليكم ورحمتة وبركاته


لقد تلقيت بكل سعاده وصفاء نفس دعوتين كريمتين من اخوين غزيزين على قلبى 


الاخ الفاضل :: الاحلام
الاخ الفاضل : د.ريان


وكم اسعدنى هذا الاحساس الجميل باخوتهما وانى لأبادلهما الاخوة والموده فى الله
فصندوق ذكرياتى ملىء وحافل اكيد ولم يخطر على بالى لحظة انى سوف اذكر بعض
 مما يجول فيه من ذكريات عبقة أثرت فى حياتى وجعلتنى دائما اصبو للرجوع اليها .
فحياتى دائما تمر كأى امراء مسلمه نشأت فى اسرة ذات طابع ملتزم صارم الطباع ,,
وكم احببت هذا كثيرا وحمدت ربى عليه ,,
وهذه الايام ذات العبق الايمانى الرائع التى نمر بها والتى اسال الله فيها كل خير وسلام للجميع 
 دائما كلما تمر على كل عام اتذكر ايام الطفوله الحانية المليئة بالبرائه ,,
وكيف كنا انا واخواتى ننتظر تلك الايام للتمتع بكل ماهو حلو فيها من مشاعر ولمة للاسرة
وكيف كنا نعد مع امى مائده الافطار فى رمضان والفرحة الغامرة بعدها ياااه يالها من ايام ,,
وكيف تختتم الايام المباركه بحلول ايام العيد يالها من ذكريات ,
ومحبتى التى تلازمنى للأن لاغنيات رمضان المميزة والتى تحرك بى مشاعر متضاربة 
و وهذه الذكريات اكيد جعلتنى اميل دائما لطابع الاحساس المرهف 
ولاننى اميل للوحده مع انى احب التعرف على الغير والانس بهم,,
لحظات تناقض كثيرة فى حياتى جعلت لقلمى طبع الرومانسى الحزين فى نفس الوقت ,,
لعلى بهذه الكلمات البسيطة سلطت ضوء على بعض من ذكرياتى 
أدام علينا الاخوة والبساطه فى التعامل وبلغنا جميعا رمضان امين امين
ولاننى جديده بين المدونين اخوانى الفضلاء بمعنى ماليش اصدقاء كثيرون 
فأعتزر عن انتقاء من بينهم ولهم منى فائق الحب والمودة
مرسى اخى ابو داود ,,,,,,, مرسى اخى د. ريان
ويارب اكون قدرت اوفى بما يروق لهذه الثقة الغالية منكما اخوانى
وسلام الله عليكم جميعا 

كل فرحة

كل فرحة من زمانى

عيشهالك

 جاية تندة بالامانى

تقول ياغالى الدنيا بيك

وباديك كل الامان

كل همى ان ابقى جنبك

 انسى روحى جوة قلبك

ازيح ف جرح الذكريات

العيون بتقول بحبك

تتمنى تسعد ف قربك

توهبلك بالفرح

 عمرى اللى جاى

واللى فات

اشواقى شايفاها جنبك

فرحة تبقى بالمودة

 هى  كل الامنيات

عايزة اكون لك

روح بتحمى نبض قلبك

بعيد عن كل المعجزات

عمرى ما  يوم ف قربك

 هفتكر واقول بحبك

 اصل حبك عندى دم

عايش فيا من سكات

 كلمتك همسة مكانى

 لمستك رعشت زمانى

 انت نبضى والاهات

الليل

وسهرت ويا الليل

 احكى لوحديه

ضلل عليا الليل

 حسيت بحنية

شَكيت وقلت ياليل

حِبى غدر بيا

وانا كنت اوفا الناس

 عيشه ومرضيه

حسيت بنسمة صيف

 جاية معدية

غمضت انا عينى

صفحتنى ف ايديه

اتاريك ياليل بتميل

وبتسمع كمان مواوييل

الله عليك يااصيل

اومال حكولى عليك

 قالولى ليه قاسى !

بيجرح ولا يواسى

خليتنى انا وياك

 احس بهداوة

طَول كمان وكمان

ما تزدنى ف حلاوة

اكمن انا ناوى

 افضل تملى معاك

احكى واشكيلك

وتحن وتداوى