الأحد، 24 يوليو، 2011

غناوى





غناوى غناوى 
وهحكى ف حكاويى
تنور تعدل
فى كل اللى فات 
تقول لسه 
بينا اخوة 
و ثبات
 تنور كلامنا 
 ترجع سلامنا
 فيزهر ساعات
ومين اللى مرر
 علينا بسكات ؟
نقشنا ف عمرة
 بدون ذكريات !
دى غنوة قادتنا
 تنور ف بيتنا 
بحب الاهات
بتبدر حكاوى
وتملى ف اناوى
 وترفع رايات
انا الشعب مصرى 
عصرى وأمين
ولا حته منى 
ب تخفى الحنين
عشان انت مصرى
 وعصرك وعصرى 
بيعصر ما بينا
 قساوة سنين
تعالى نخضر
 جناب المدينة
ونبدر عليها
 الاسامى القديمة 
نرجع أمانا
يضم السكات
نزيح غدردايم
يبيح ف الشتات
نبطل كلامنا
  اللى غازى ف امالنا
و يطعن ف حلمة
 ويجزر ف مالنا
تعالو نرجع حلاوة زمان
 بغنوة جميله تقول ياسلام
 ترجع لطفله بريئة الامان
 تزيح حلم ظالم 
يعيش من زمان
نهد ف عمره 
نزق ف ظلمة
 نقول ياما كان

نشوف بكرة ييجى
 نقول كان زمان 
عملنا وعملنا
 وكنا تمام
ما شوفنا قدرنا
 وما حد زارنا 
غير اما جالنا
 يحلف بحالنا 
على حب زان
دا شعب الحضارة
 بكل الامارة 



 بكل السماحه بكل الصراحة

 يمرالطوفان













هناك 8 تعليقات:

  1. روووعة
    يحفطك ربي ويوفقك
    إبداع في ابداع
    واصلي ونحن معك دوماً
    تحياتي ^_^

    ردحذف
  2. صباحك غاردينيا بسمة الورد
    وتعزفين الكلمات مشاعر وأحاسيس
    تتغنى لمصر وبمصر لتبقى جميلة
    كما هي بكل شعبها ومن يحبها
    فحفظها رب العالمين لأنها تستحق الحب وأكثر وأنتِ من تستحقين من الكلمات أجملها وأكثر ..دمتِ جميلة الحرف "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  3. والله تنفع أغنية جميلة للشعب المصري ما جربتيش تروحي لملحنين .. فكم نفقتقد للأغاني الوطنية الجميلة .. سلمت أناملك ودمتي مبدعة

    ردحذف
  4. كلنا بنحب بلدنا وكلنا نفسنا نكتب قصايد فيها وانا بقرأ الكلمات احسست بداخلى باحساس غريب احسست بقشعريره داخل جسدى كله وتمنيت بان بلدى تبقى احسن بلد وعم الرخاء فى كل شبر فيها
    كلام اثر فيا بالذات لما قولتى
    تعالو نرجع حلاوة زمان
    بغنوة جميله تقول ياسلام
    ترجع لطفله بريئة الامان
    تزيح حلم ظالم
    يعيش من زمان
    نهد ف عمره
    نزق ف ظلمة
    نقول ياما كان
    نفسى كلنا نرجع حلاوة زمان وللاطفال الامان قد ايه كلماتك جميله ومؤثره
    امتعتينا ابتسام وان شاء الله من تالق لتالق دائم
    دمتى بكل خير وسعاده تقبلى تحياتى اخوكى ابـــوداود

    ردحذف
  5. الغالية الذوق الرفيع

    كم يسعدنى تواصلك الجميل الذى يبهج قلبى

    دمتى غاليتى بكل خير ومودة

    مودتى وحبى

    ردحذف
  6. الحبيبة ريماس

    مرسى جدا لذذذوقك الراقى الجميل وطيب كلماتك التى انارت جنبات المدونة

    مرسى حبيبتى

    مودتى

    ردحذف
  7. الغالية كريمة سندى

    مرسى لثنائك الراقى على كلمات قصيدتى

    انا مش حاولت حكايه الملحن دى خالص ومش خطر ببالى

    لكن هوايه العامية عندى حب وشغف لا اكثر

    ومحبتى لمصرنا الغالية هى من دفعت بيا للكتابه هكذا

    دمتى لى برقه كلماتك وتشجيعك غاليتى

    مودتى وحبى

    ردحذف
  8. الاخ الفاضل الاحلام

    كم اسعدنى تواجدك الدائم الغالى الذى اتشرف به كثيرا,,, اشكرك لطيب كلماتك

    ادام الله عليك تذوق الشعر

    وادام تواجدك العطر

    كن بخير وسعاده اخى

    ردحذف

رأيك لو سمحت