الأحد، 22 يناير، 2012

فاتت سنه

فاتت سنه
 
  واحنا هنا متجمعين
دايما نطالب بالحنين
وبكل نقطه ف دمنا
لازم نشوف
كل الايدين الظالمه
علشان ما نقطع جدرها
علشان ما نكسر قلبها
ونقول كمان 
من غير سماح
ويا الجراح المره
الصابره ف شهدنا

فاتت سنه

وكل اللى فيها مَحزنه 
حتى المرار 
مرارته ساكنه ف قلبنا
كل اللى فاهم مننا ..
انت وانا ..
وكل الضنا 
لو يوم نبات
ويا السكات
ويا اللى فات
وعشش ف راسه انه هنا
عايشها لسه ف وسطنا
وكل لحظه ف حضننا
هنفضل كده ثايرين تمام
ويالكلام
ولا يوم ننام 
غير لما يزول من وشنا
ما اهو اصله غادر من زمان
حتى البيبان
سدت ف وشه الف عام
من غير ما تسال بختنا
عن جرحنا
بكره الجراح
تمحية ويرجع فرحنا
ويضمنا انت وانا
وان يومنا فات ويا السكات
ولسه سارق عمرنا
هنفضل كده ولا 100 سنه
نقعد نحايل ف الاهات 
ويا الثبات
لجلن ما يرتاح همنا
وترجع تلالى ف كل لحظة
شمسنا
وتضمنا انت وانا ....ِ
 
وفاتت سنه
************************************
 



هناك 18 تعليقًا:

  1. جميلة جدا

    وجدت فيما تكتبيه الان صورة جديدة لكى
    معكى كل الحق
    هنفضل كده ثايرين تمام
    ويا الكلام
    غير لما يغور من وشنا

    يارب يغور
    و السنة دى تبقى احسن
    تحياتى لابداعك الجميل

    ردحذف
  2. فاتت سنه
    جميله كلماتك ومعبره
    احييك عليها فنانه انتى فى اختيار كلماتك

    ردحذف
  3. فات سنة ومفيش اسرع من الايام ربنا يسترها ويصلح الحال ويكون اللى الجاى احلى من اللى فات


    كلمات جميلة تسلم ايدك بسمة

    مع خالص تحياتى

    ردحذف
  4. تسلم ايدك
    وان شاء الله نبقي احسن
    تحياتي

    ردحذف
  5. نعم فاتت سنه نعم احسسنا بالحريه نعم شعرنا بالكرامه نعم شعرنا بالسعاده
    ونتمنى من الله ان يتتم علينا الثوره على خير وان تكون حياتنا حياه كريمه
    تحياتى على اجمل الكلمات وصاحبتها احييكى واحيى قلمك الرائع الذى دائما ما يبدعنا
    تحياتى الخالصه ابوداود

    ردحذف
  6. فاتت سنة ، و القادم أجمل إن شاء الله !

    رائع ما قرأت هنا .

    منجي

    ردحذف
  7. القادم بإذن الله افضل ... فتلك الايام نداولها بين الناس .

    تحياتي لقلمك الرقيق ... في مرور اول

    ردحذف
  8. سنة نصرة وعزة للشعوب العربية ككل بإذن الله

    كم هو جميل إبداعك غاليتي

    دمتي بكل ود وتقدير

    مسائك معطر بعطر الياسمين

    ردحذف
  9. استاذ.. ابراهيم مرزق

    كم اسعدتى تواجدكم العطر وطيب كلماتك الراقية

    وان شاء الله تكون سنه حلوة علينا وعلى بلدنا

    كل الشكر والتحايا اخى

    ردحذف
  10. الاخت الغاليه على قلبى .. هبه فاروق

    كل الشكر والموده غاليتى لذوق كلماتك وتواجدك الغالى

    ربى لا يحرمنى هذا المرور الراقى

    مودتى وحبى

    ردحذف
  11. الاخ الفاضل .. تامر نبيل

    اهلا بك دائما اخى تواجدك ينير مدونتى ويزيد كلماتى بهاء ورقى

    فكن بخير لكى اطمأن

    مودتى واحترامى

    ردحذف
  12. الاستاذ ... محمد عمر

    اهلا بطيب كلماتك التى تسعدنى كثيرا

    ان شاء الله بكرة افضل وبلدنا بكل خير

    كل الشكر والتحايا اخى

    ردحذف
  13. الاخت الغاليه عبير

    اهلا بك فى مدونتى كم اسعدنى هذا المرور العطر

    لا حرمنى الله تواجدك وذوقك

    مودتى وحبى

    ردحذف
  14. الاخ الغالى ابو داود

    اهلا بطيب كلماتك التى تعودت عليها وان شاء الله بكرة هيبقى احسن وافضل بالصبر

    كل الشكر والتحايا

    مودتى واحترامى

    ردحذف
  15. الاخ الفاضل .. منجى بكير

    مرسى لذوق كلماتك وان شاء الله الحرية والنصر لبلادنا العربيه

    كل الشكر والتحايا اخى

    مودتى واحترامى

    ردحذف
  16. اندروميد.....

    اهلا بك فى مدومتى المتواضعه .. سعدت بتواجدك الغالى اتمنى التواصل الدائم

    كل التحايا والشكر

    مودتى

    ردحذف
  17. الاخت الغالية .. كريمه سندى

    اهلا بطيب كلمتك التى اسعدتنى كثيرا

    ومساؤك دائما هنا وسعاده حبيبتى

    كل الحب والمودة

    ردحذف

رأيك لو سمحت