الثلاثاء، 6 مارس 2012

بغير انا

وصابنى احساس بالغيره

من كتر حبى وشوقى اليك

حسيت بنبضه وتسبيله

 مشدوده دايما 


اطير حواليك

اشوف عوازل تتحسر


 اخاف وقلبى بيتكسر


اعدى فوق السهد غريق 


 واقول ما يمكن الاقى صديق


ف عيونك انت وتهمسلى


وتكون معايا وتحرسنى


 لحد قلبك وتفوتنى


ع الشط عندك احس امان


تروق لى دنيا ف كل مكان


وبحر موجك مش عالى


ف سباحته غيه بتحلالى


وقمره طالعه لفوق بتميل


ف سمايا شايله الفجر حرير


والغنوة لحن  بيصفالى 


بشروق هواك انت ياغالى


بس تملى القلب ييغير


لحد بكره ومتقدر


اروح لعندك وافكر


 واحتار وانا سهرى


 يداوى 


واحلم وانا اصلا ناوى


أحبك انت وعينى دليل


على موده تقول ياامير


امير لقلبى وبحكايه


ابقى بنور حبك اّيه


تفرد طريق الشوق وتميل


على جبينك انت واغير
************

هناك 20 تعليقًا:

  1. يا لها من عاطفه جياشه ورومانسيه رائعه حب بدون حدود غيره جميله مباحه تنير الطريق للحب يجمع حبيبين وتستمتعوا باحلى واجمل ايام حياتهم
    كلمات رائعه جميله مليئه بالشجن والحب يتمناها كل حبيب من حبيبته حتى يهناء بلحظات الحب والسعاده
    طبعا متالقه كعادتك بسمه اتمنى من الله عز وجل ان يسعد اوقاتك كما تسعدينا
    تحياتى وتقديرى ابوداود

    ردحذف
  2. كلمات رقيقة ناعمة

    جميلة

    دوما يسرني أن أشتم عطر إحساسك


    تحيتي لكِ عزيزتي

    ردحذف
  3. كلمات رائعة بسمة

    تسلم ايدك

    مع خالص تحياتى

    ردحذف
  4. صباح الغاردينيا بسمة
    وتبقى الغيرة دليل حب وبعض من جنون نمارسه دون توبه ..
    كـ ممارسة الجنون بـ حرفك الرائع "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  5. كلامك جميل , وانا علي فكرة بحس ان الغيرة من اجمل الحاجات في الحب (بس ساعات بتبقي نقمه) وبتدي الحب طعم جميل
    تحياتي

    ردحذف
  6. جميل جدا ...

    لك تحياتي ..

    ردحذف
  7. مساء الورد بسمة

    أعتقد الغيرة مقياس حقيقي لمدى الحب

    وكلما زادت الغيرة كلما أيقنا أننا

    أمام حب كبير وصل حد التملك ...

    جميله كلماتك وقريبة جداً من القلب

    تحياتي وإحترامي

    ردحذف
  8. الغيرة احساس فى قلوب الناس ومهما آسينا منها فهى من التوابل المحببة والتى تعطى للحب طعم جميل ومذاق جذاب خلاب

    ردحذف
  9. الغيره هى توابل الحب
    جميله كلماتك ايتها الجميله
    دائما استمتع بقراءتى لكلماتك
    تحياتى لكى يا عطر الياسمين

    ردحذف
  10. الاخ الغالى . ابو داود

    اهلا بطيب كلماتك لا رحمنى الله من ذوقك

    كل الشكر والتقدير لشخصك اخى

    ردحذف
  11. الحبيبه الغالية ... زينه زيدان

    كم يسعدنى تواجدك الراقى وطيب كلماتك الرشيقه
    دام ودك غاليتى
    كونى بخير كى أطمان

    مودتى وحبى

    ردحذف
  12. الاخ الفاضل . تامر نبيل

    اهلا بك دائما اخى اسعد الله اوقاتك بكل خير

    مودتى واحترامى الدائم

    ردحذف
  13. الغالية القريبه الى قلبى ... ريماس

    مساؤك هنا وصباحك سعاده دائما غاليتى

    مرسى لذوق كلماتك . ربى يبارك فيك ولا يحرمنى كلماتك وتواصلك الغالى

    مودتى وحبى اخيتى

    ردحذف
  14. الاخ الفاضل . محمد عمر

    اهلا بك اخر اسعدنى كتير رايك الغالى
    فعلا الغيرة مهمة وكل شيىء فى الدنيا لابد وله حدود اكيد علشان يكون معتدل

    دام التواصل اخى

    ردحذف
  15. الاخ الفاضل . بندر الاسمرى

    اهلا بتواجدك الغالى اخى
    كم سعدت بك كثيرا واتمنى التواصل الدائم

    كل الشكر والتحايا

    ردحذف
  16. مساؤك هنا وسعاده اخى الفاضل . ريبال

    مرسى لذوق كلماتك واتمنى لك دائما السعاده والهناء

    كن بخير دائما اخى

    ردحذف
  17. استاذى الفاضل ....... الفاروق

    لا تتصور حضرت مدى سعادتى بتواصلكم وزيارتكم مدونتى

    ادام الله عليكم الصحة والسعاده وعليا انا التواصل

    كل الشكر والتحايا

    ردحذف
  18. الحبيبه الغالية القريبه الى قلبى . هبه فاروق

    اهلا بك غاليتى مرسى لذوق كلماتك
    ربى لا يحرمنى اخوتك وتواصلك الراقى

    مودتى وحبى

    ردحذف
  19. الله على الكلاااام الجميل.. روووعة
    نياله :)

    ردحذف
  20. قمر 14

    مرسى ياقمر لتواصلك الغالى
    ربى لا يحرمنى ذوقك ابدا

    ردحذف

رأيك لو سمحت