الأربعاء، 29 أغسطس، 2012

أنتظار



فاتت سنين
قلبى اللى ساكن ف الحنين
عايش حزين
يبدر اهاته ف الوجع
كترالقساوة ف الضلوع
مش قادره تنسى م الخضوع
ولاقسوة الماضى  بتاخد حظها
عمر الغرام ما ف يوم يرجع ضيها
شبح الضباب شايفينه دايما من بعيد
غادر عنيد
روح الخناق والاشتياق
مليا الصوابع كلها
حتى القلوب صبحت حجر
بتدارى دايما وشها
وف حضنها
دمعه حزينه معكره
ف صفو الزمن
كل البشر
وان كان ملايكه منورين
لا ف يوم كلامهم بالحنين
راح يسبل القلب الحزين
حسه مرار السهد
فوق عرش الزمن
ساكن ضبابه بلهفته
ولا حتى يوم راح يحتمل
كتر الجراح سكنه بتحصد شرها
جوة الاهات مُره مرارة غرسها
اه ياألم
لملم جراحك يلا وارحل من هنا
صبرى قليل
عمرى ما برتاح منه انا
عمر الغرام وللا الهيام
ماف يوم هيحموا ضهرنا
وان يوم حاولنا بجهلنا
راح تفضل الضحكه المريره
ف حلقنا
بتضمنا بتقول وتنعى ف حظنا
كتر الاهات سكة وجع
بتقول وتحكى ف غلبنا
اه ياوجع
ماتسيب غناوى حضننا
ترجع الفرحه الجميله تلمنا
حاسب هنا
على صوت كلامى وخطوتى
عمر الشروق مافيوم يدوق
غير الانتظار منى انا .
غير الانتظار منى انا.................

هناك 18 تعليقًا:

  1. كلمات رومانسية جميلة
    ذات ترنيمة غنائية
    ومعاني للشوق عميقة

    كل الود عزيزتي

    ردحذف
  2. وحشتنا كلماتك
    دائما كلماتك تحمل بسمة الورد
    حمد الله على السلامة

    تحياتى

    ردحذف
  3. مساء الورد بسمة

    تصطف حروفك بروعة ترسم لمحة غنائية

    ولكن حزينة وتحمل بين طياتها شجن

    واضح ومؤلم ...

    مبدعة ولا جديد فالعنوان بسمة الورد

    شاعرة العامية بكل جمالها وبساطتها

    وقربها من النفس ..

    ردحذف
  4. بسمه
    تعرفي بعيدا عن جمال ما كتبتيه
    انت موهوبه بجد
    وممكن تبقي كاتبه أغاني
    لأني شعرت أنها أغنيه
    برافوووو حبيبتي ربنا يوفقك
    تحياتي

    ردحذف
  5. رائعه يا بسمه بجد انتى موهوبه
    تسلم ايديكى يا قمر

    ردحذف
  6. أهلا غاليتي بسمة أنت اختفيتي فين المهم إنك بخير ورجعتنالنا تاني بكلمات تدخل القلب اشتقنا لحرفك

    ردحذف
  7. يا لها من لحظات لا تنسى فها انا على موعد مع المتعه بعد غياب ظل كثيرا ولكننى الوم استمتعت حقا فانا كنت افتقد اجمل الكلمات واحلى الانغام والتى لا اراها الا من خلاص كلماتك الرقيقه الرائع
    دمتى بخير دائماودام ابداعك الرائع
    تحياتى ابوداود

    ردحذف
  8. جميله كلماتك
    وفعلا تنفع اغنيه
    تحياتي

    ردحذف
  9. الاخت الغاليه .. زينة زيدان

    كل الشكر والتحايا لطيب كلماتك

    دام الود والتواصل اخيتى
    مودتى وحبى

    ردحذف
  10. الله يسلمك من كل شر استاذنا الفاضل ابراهيم رزق

    اهلا بك وبطيب كلماتك التى اسعدتنى

    مودتى واحترامى

    ردحذف
  11. مساء الهنا والسعاده الاخ الفاضل .... ريبال بيهس

    دائما ما انتظر جميل تواصلك

    دمت بكل خير وسعاده اخى

    مودتى واحترامى

    ردحذف
  12. الاخت الغاليه كارولين فاروق

    اولا اهلا بتواجدك الغالى على قلبى

    وثانيا كم اسعدنى رايك جدا ودا من ذوقك اكيد

    ربى لا يحرمنى تواجدك العطر وطيب كلماتك

    مودتى وحبى غاليتى

    ردحذف
  13. الاخت الغاليه .. هبه فاروق

    اهلا حبيبتى بتواجدك الغالى وبرقيق كلماتك

    ربى لايحرمنى ذوقك ورقتك

    موتى وحبى

    ردحذف
  14. الاخت الفاضله .. كريمة سندى

    ربنا يخليكى وما يحرمنى تواجدك وذوقك

    ادام عليا هذا التواصل والود

    مودتى غاليتى

    ردحذف
  15. الاخ الغالى .ابو داوود

    كم يسعدنى وينير مدونتى طيب كلماتك وتواجدك الراقى


    كل الشكر لذوقك اخى

    مودتى واحترامى

    ردحذف
  16. الاخ الفاضل المهندس سمسم

    ميرسى لذوقك وتواجدك الراقى

    دمت بكل خير اخى

    مودتى واحترامى

    ردحذف
  17. اين جديدك الذى ننتظره بلهفه بسمه ما سبب تاخيرك لعل المانع خير
    تحياتى ابوداود

    ردحذف
  18. الاخ الغالى ابوداوود

    كم يسعدنى تواجدك وطيب سؤالك الراقى

    واكيد الرد وصل بانى نشرت جديدى اليوم
    دمت اخى بكل خير وسعاده وراحة بال احترامىوتقديرى لذوقك الراقى

    ردحذف

رأيك لو سمحت