السبت، 1 ديسمبر، 2012

همسة قرب




فى ناس ومن بعدها
ننسى الحنان والحب
وف لحظه نشتاق لها
نتمنى همسة قرب
ياللى الامان نسيتوه
اتهنوا وانسونا
قرب البعاد احزان
 لو حتى فتونا
يمكن اوان الفجر
شاهق ومن قربكم
وانا قلبى اصله صد
من يوم ما خنتونا
هون عليا الجرح
 تعب الجوارح شوق
شوفت المدامع فرح
صبره منين ما بفوق
بخاف اوى لو يوم
 غمضت انا عيونى
بحس طعم اللوم
والقسوه ف جفونى
شباكى نوره انطفى
 م الغز ف المواويل
ياللى عتابكم قسى
 شيلوا السهاد  والوويل
مشتاقه لحظة لقا
 بين النهار والشمس
ترجع غناوى الشجر
مرتاحه من غير همس
جرحى اللى عدى هناك
 قال دا الزمن ناوى
يهرب ومن غربته
لو حتى مداوى
ياللى فراقكوا مرار
 ما تحنوا وتجونا
اصل احنا باستمرار
 فاكرين وتنسونا ؟
ماهى ناس ومن بعدها
ننسى الحنان والحب
وف لحظة نشتاق لها
 نتمنى همسة قرب  

هناك 16 تعليقًا:

  1. قال دا الزمن ناوى
    يهرب ومن غربته
    لو حتى مداوى
    ياللى فراقكوا مرار
    ما تحنوا وتجونا
    اصل احنا باستمرار
    فاكرين وتنسونا ؟
    مش بقولك شاعره اغاني
    رائعه
    بتفكريني بالابنودي
    تحياتي

    ردحذف
  2. مش لاقيه كلمه تعبر عن ايلي جواياا...
    اكتر من روعه... :))

    ردحذف
  3. ماهى ناس ومن بعدها
    ننسى الحنان والحب
    وف لحظة نشتاق لها
    نتمنى همسة قرب

    وبس
    كلامك
    جميل
    جدا

    ردحذف
  4. اصل احنا باستمرار
    فاكرين وتنسونا ؟
    ___________
    صباح الغاردينيا بسومه
    ماأروعكِ رقيقة حتى في عتبك
    مؤلم أن نتذكر وهم ينسون
    هناك أشخاص قربهم دفئ ويجتاحنا البرد بـ غيابهم عنا "
    ؛؛
    ؛
    لروحك عبق الغاردينيا
    كانت هنا
    reemaas

    ردحذف
  5. جميله يا سومه عارفه لما بحب انسى همومى اجى هنا اقرا كلماتك
    رائعه يا شاعرتنا الجميله

    ردحذف
  6. هي طبيعة الحياة كدا .. سيمفونية رائعة عزفتيها بلقلمك غاليتي

    ردحذف
  7. ما اروعك.. جميلة جدا .. تحمل موسيقى رائعة ..

    لك تحياتي .

    ردحذف
  8. مساء الخير

    راق لي جدا عتابكـ...هي الحياة هكذا
    علينا تقبل الوضع ^^

    كنت هنا

    ردحذف
  9. الاخت الغاليه كارولين

    كم اسعدنى تواجدك الغالى وطيب كلماتك العذب
    دمتى لى بكل خير
    مودتى وحبى

    ردحذف
  10. الحبيبه اميرة على

    ميرسى ياقمر لتواجدك الغالى
    وذوقك الجم
    دمتى بخير وسعاده
    مودتى وحبى

    ردحذف
  11. الاخ الفاضل محمود الباحث عن الحب

    اهلا بك اخى وبجميل تواصلك
    كل الشكر والتحايا لذوقك
    دمت بكل خير
    مودتى

    ردحذف
  12. صباح الهنا والسعاده ريماس الحبيبة

    اسعدتينى كعادتك برقيق كلماتك

    دمتى سعيده وبالهنا والخير
    مودتى حبيبتى

    ردحذف
  13. الاخت الغاليه هبه فاروق

    اهلا بك دائما غاليتى ويسعدنى ان كلماتى المتواضعه سبب بسيط لسعادتك يارب دايما

    مودتى وحبى

    ردحذف
  14. الحبيبه كريمة سندى

    كل الشكر والتحايا لتواصلك الغالى

    كونى بخير دائما كى اطمان

    مودتى وحبى

    ردحذف
  15. الاخ الفاضل بندر الاسمرى

    الروعه فى ذوقك اخى
    كل الود والاحترام لك

    ردحذف
  16. سفيرة المحبة

    مساؤك هنا وسعاده ميرسى للتواصل وذوق الكلمات

    دمتى بكل خير وتواصل لا ينقطع
    مودتى وحبى

    ردحذف

رأيك لو سمحت