زمر ياقطر الحبايب
مستنى نسمه وصولك
القلب عطشان وجايب
شوق المحبه لأصولك
زمر وياقطر قولى
عماله اخبى وادارى
اكمن حبى وخلى
غايب وناسى لدارى
زمر ياقطر واسبق
قلبى اللى دايب ف حبه ..
عينى عليك يلا واسرق
وقتى اللى جارى بقربه
وصلت ياقطر بدرى
روقت بالى وحالى
رديت سلامك ف فجرى
دا القرب منه حلالى....
جميله جدا هذه الكلمات بما تحمله من شوق وحب وإنتظار بلهفه
ردحذفتحياتى أختى الغاليه
الاخ الفاضل جمال ابو العز
حذفكل الشكر والتحايا للتواصل الغالى
ربى يسعد ايامك
اضم صوتى الى حبيبى جمال
ردحذففقد اضاف نظمك بسمة الى بسمة وردك يا ورده مدوناتنا
استاذى الفاضل .. الفاروق
حذفكم يسعدنى تواصلكم الغالى وطيب كلماتكم
كل الود والاحترام ... ويارب دايما
جميله الكلمات يابسمه الورد
ردحذفواجمل مافيها البساطه
تحياتى ليكى
انا نزلت قصيده جديده وانتى اتاخرتى كتير
اتمنى تشوفيها وتقوليلى رايك
حبيبتى قمر وليل
حذفاهلا بتواصلك الغالى ... ميرسى ياقلبى لزوق كلماتك وجمالها
واسفه لتأخيرى لزيارة مدونتك كان عندى ظروف والله
كل الموده والحب لكى
طيب جميل جدا الشعر العامي ده
ردحذفبصراحه هو اقرب ما يكون لشعر غنائي
عموما البساطة وخفة الكلمات ليهم طعم خاص
بس عاوزين البوست الجاي يبقى لغة عربية فصحى
والسلام عليكم .
الاخ الفاضل ... الامير
حذفاهلا بتواصلك الراقى .. الشعر العامى نوع من الاشعار المحببه الى قلبى
ولكل منا موهبه اكيد .. لي بعض القصائد القليله بالفصحى واوعدك ان شاء الله
البوست القادم فصحى علشان خاطرك
منورنى دايما
معقول !!
حذفحضرتك هتنفذي طلبي ؟
أكيد سعدت جدااا أن القادم بالفصحى
ومتشكر لتلبية الطلب وجزاكم الله خيرا
وان شاء الله تعالى القادم أفضل .
تحيتي بسمة ؛
الامير ... اهلا بتواجدك الغالى فى مدونتى
حذفيسعدنى اكيد ان البى طلبك فمن سعادتى اعجابك بما اقدم .. ويارب دايما اكون عند حسن الظن
نورتنى والله ... ميرسى لزوقك
انتظار وشوق وأمل، للقطار دلالة دائما، وهنا يحمل أكبر دلالة.
ردحذفتحيتي
الاخ الفاضل رشيد أمديون
ردحذفكل الشكر والتحايا للتواصل
نورت المدونة .. مودتى