الاثنين، 18 أغسطس 2014

متحاسبهوش ..



متحاسبهوش .. 

حسبونا احنا وشددوا 

فوق النعوش
 
متحاسبهوش ..
 
 اصله اصيل

  واحنا الغلط ماسك ايدينا 



وشدنا ومن غير رتوش

 متحاسبوهوش

 هو الزمان جرجر امالنا وحلمنا
 
ومصدقوش
 
ولا الخلاص كاتم كمان على حسنا 

 ولا شُفناهوش


حتى الصريخ بقى بالعدم
 
 اه ياندم

 متشوهوش
 شهيدنا مات من غير ثمن ؟
 
ولا الطريق دبح الجدع
 
 ومشينا فوقه كلنا 
مرحمناهوش 

ننسى اللى ضاع من عمرنا
 
 بنعض فيه ونجز دمعه من عنيه
 
لجل القدر مايحس يوم
 
 ان الفراق من جزعنا
 
كاتب عليه 

 شبح الضباب
 
شبح الالم
 
 متحاسبهوش!!!!
 
 دقوا على وتد الشهيد
 
 دقوا قوى
 
 يمكن يقيد
 
شمعو اللى والع مرتين
 
 شبه الحديد
 
 وبينعى دمه مابين ايديه
 
 حسره عليه
 
ماهو راح فشوش
 
ثوره وخانت حظها 

ف زمن الوحوش
 
 ونسيت تقول
 
 متحاسبهوش!!!

هناك 6 تعليقات:

  1. القصيدة جميلة يا بسمة الورد
    لكن للأسف المعلم وشلته طلعوا حرامية ارارى
    متركوش دليل ادانه ووقت مكان الحكم فى ايده مكنش حد يقدر يقوله ادينى ورقه ادينك بيها لما أتحاسب
    الغلط على لاأجيال الى سابته كل ده
    بس بدون دليل يبقى انتى صح
    متحسبهوش

    ردحذف
    الردود
    1. عندك حق ياجمال

      لكن هنقول ايه فى الظالم .. حسبنا الله فيهم

      نورت كلماتى البسيطة بطيب كلماتك

      مودتى اخى

      حذف
  2. صعبان عليا اهل الناس اللي ولادهم راحت ع الفاضي صعبان علي الناس المصابة واللي اصيبت بعاهات مستديمة ....بس مش صعبان علي الشعب لانه يستاهل وده ذنب مرسي وفعلا شعب مالوش في الطيب نصيب ومبروك عليهم الحرامية وقتالين القتلي ..و احسنتي وجت ع الجرح

    ردحذف
    الردود
    1. حسبنا ان نعتبهم عند ربهم شهداء احياء فمن دافع عن عرضه ووطنه فهو شهيد ان شاء الله

      لنا الله وربك يصلح الاحوال .. فمصر فى امان الى يوم الدين كما وعدنا المصطفى عليه الصلاة والسلام

      نورتنى تركيب

      حذف
  3. والله معاكى حق يا بسومه
    احنا خلاص بقينا فى.زمن المهازل

    ردحذف
    الردود
    1. ربك يصلح الاحوال ... تسلمى قمر منورانى حبيبتى دايما

      مودتى غاليتى

      حذف

رأيك لو سمحت