الأحد، 14 سبتمبر 2014

فضفضه




زمن جارح 
يفوت بالهم والاحزان

 يوزع منه كل اوان 

عشان نجرى ونتحسر 

ويمكن نبتدى نفكر

 مابين توهه وبين افراح

 نقضيها ف كل صباح 

نغير م الامل فكره 

ونسرح فيها ولبكره 

لكن برضو الزمن نساى 

بيسرق عمرنا اللى جاى

 ونفضل فيها ونعافر

بنوجع روحنا ونسافر 

على شوقنا اللى عدى سماح

نخطى كل لحظه براح

وف العتمه وف القمره 

نقابل حلمنا شجره

وغنوايه وتنهيده 

تعدى ايامنا وشديده 

يارب الكون انا انسان 

على عتبى انبدر حرمان 

فقوينى واحمينى

 وابدل كل خوفى امان
وابدل كل خوفى امان

هناك 8 تعليقات:

  1. كلمات جميله بتعبر عن مشاعر كتير جوانا
    تحياتى ليكى ولإحساسك

    ردحذف
    الردود
    1. تسلمى حبيبتى وجودك بيسعدنى كتير يارب دايما

      ميرسى ياقمر .. مودتى وحبى

      حذف
  2. فضفضي براحتك واشجينا بكلماتك الجميلة والالحان ..عمال الحن واغني وجيت علي يارب الكون في الاخر يارب الكون انا انسان على عتبى انبدر حرمان فقوينى واحمينى ولقيتني بقول وبدل كل خوفي امان مش ابدل ...معرفش حسيت الالف كسرت اللحن..ههههههه مش حنخسر بعض عشان الف ..حلوة وتسلم الايادي

    ردحذف
    الردود
    1. اهم حاجه انها عجبتك ودا المهم عندى هههههههههههه

      تسلم يارب ولا انحرم وجودك وزوق كلماتك

      مودتى اخى

      حذف
  3. عجلة الزمن دوارة لا تقف وبها ما نحب وما نكره
    وتبقى ارواحنا فى يد خالقها
    ولازم نعيش للنهاية
    الدنيا كده اتخلقنا فيها علشان نتعب ونموت وكل منتعب أكتر نرتاح بعد الموت اكتر

    الكلمات جميله ومعبره ورائعه

    ردحذف
    الردود
    1. جمال ابو العز

      اهلا بتواصلك الغالى الذى يسعدنى ولا يكتمل اى عمل الا بوجودك

      ميرسى لزوقك وتواجدك ويارب دايما

      مودتى

      حذف
  4. كلمات بسيطة وجميلة وسلسلة تعبر عما فى صدورناا ... اسلوبك شيق وجميل
    راائعة كلماتك أختى بسمة
    تحيااتى

    ردحذف
    الردود
    1. ربنا يعزك ولا انحرم تواصلك الغالى

      ميرسى ياسعيد

      مودتى واحترامى ... منورنى

      حذف

رأيك لو سمحت