الأحد، 12 أبريل 2015

قرب اوى




عطشان حنان

 دفينى قربلى اوى 

قرب كمان

 خلينى انسى شكوتى

 اسهر امان

 جوه الضلوع نبض الالم

 عايش حزين 

عاوز  ينبت فرحته 

صبر السنين 

قرب تعالى ياهوى

 شد القلوع

 حرك غناوى شهدنا 

شمس وشموع

 خلى مدار العمر

 يصغر حبتين

اسبق معاه الدنيا

اخطف دا الحنين 

يرجع زمان العشق 

يصرخ نبضتين

خليني اشوف من فرحتى

 انا ابقى مين

هناك 18 تعليقًا:

  1. انتى احلى حاجه فى الحياه يا سومه
    تقبلى الاضافه


    مد ايدك
    ـــــــــــ
    مد ايدك يا حبيبى
    ياريت تسامحنى حبيبى
    نفسى اضمك جوه حضنى
    نفسى حضنك يمحى حزنى
    والاقى نفسى تانى جنبك
    وبحنان يحضنى قلبك
    نفسى الاقى الكون دا كله
    سعيد برجوعك حبيبى

    عمرى ما سهرت اليالى
    الا لما فارقتنى
    خدت كل عزيز وغالى
    لما روحت وسبتنى
    خدت منى فرح روحى
    سبتلى حزنى وجروحى
    خدت منى ضحك عينى
    وسبتلى عزاب سنينى
    نفسى الاقى فى الحياه
    اى يوم اعيشه تانى
    وانت جنبى يا حبيبى

    جف غصن ورد عمرى
    والربيع ملوش مكان
    والقمر خاصم اليالى
    فى الحياه ضاع الامان
    الف صدمه بعد صدمه
    بعد منك دنيا عتمه
    ليل طويل ملوش نهايه
    انتهت بيه الحكايه
    مانت عارف انك انت
    فى الحياه وفى دنيتى
    وحدك حبيبى
    ــــــــــــ
    احمد

    ردحذف
    الردود

    1. اعزرينى
      ؛؛؛؛؛؛؛؛؛؛؛؛
      ؛؛؛؛؛؛؛؛؛؛؛؛
      اعزرينى
      لو فى يوم عديت حدودى
      وقفينى
      ولمكانى رجعينى
      وفكرينى بوعودى
      وعرفينى انى حاله
      مش حبيب
      مش هكون فى يوم حبيب
      عرفينى
      بان قلبك جوه قصر
      صعب يوصلو غرامى
      مهما انادى
      او اتكلم
      مستحيل يوصل كلامى
      فهمينى
      وقوليلى اخرى ايه
      قولى ان انتى ملاك
      وقربى منك
      يبقا ليا انا الهلاك
      صعب احبك
      صعب حبك
      مستحيل اليق لقلبك
      سعتها يمكن ابطل احلم
      انى عاشق
      وانتى عاشقه
      يمكن اهدا
      او فى ليله اعرف انام
      بس مش هتكون حقيقه
      ولا ده اخر الكلام

      تعرفى ايه الحقيقه
      واللى جوه قلبى ليكى
      واللى متخبى فى عنيا
      حمله تقل جبال عليا
      بس خايف احكى ليكى
      عن تتوه منى عنيكى
      ولا منى تضيع ايديكى
      ولا تاخدى قرار لوحدك
      ان تحرمينى منك
      وتحرمينى من وجودى
      علشان انتى وجودى
      انتى اهلى
      انتى بلدى
      انتى اوطانى وحدودى

      انتى كل حاجه حلوه
      انتى صوت العصافير لما تغنى
      انتى قمره فى السما وعامله حفله
      والنجوم جايه تهنى
      انتى ضحكة جوه طفل
      انتى صعب ومستحيل
      انتى سهل
      انتى بحر بموجه عاليه
      ولا هاديه
      انتى قمره
      انتى راويح الربيع
      وعطور الياسمين
      انتى البدر فى التمام
      انتى فى الحياه الكلام
      انتى حرب
      انتى السلام
      انتى صوتى وسكاتى
      انتى موتى وحياتى
      انتى نبضى
      انتى قلبى
      انتى الحانى وغنايا
      انتى احلامى ومنايا
      ابتساماتى وبكايا
      انتى كل حياتى ديا
      انتى عمرى

      عارفه كل حكايتى ديا
      بس واحد م الحقيقه
      لسه فى احلام غريقه
      عايزه نفس من حنانك
      علشان تحيه وتعيش
      علشان ما تنتهيش
      لسه فيه مليون حكايه
      تحكى عن حبى وحنينى
      والشوق اللى فى عينى
      والحب اللى مالينى

      بس امانه عليكى
      ماتحرمينى من وجودك
      علشان يفضل وجودى
      اعزرينى
      ــــــــــــــــــــــــــ
      مع خالص تحياتى
      احمد

      حذف
  2. قصائدك كلمات نابعه من إحساس ومشاعر ومواقف
    توصيف للكلمات يجعل القارئ يسبح فى بحور المشاعر والأحاسيس
    دمتى مبدعه شاعرتنا الجميلة

    ردحذف
    الردود
    1. الاخ الفاضل جمال ابو العز
      كم يسعدنى تواصلك وطيب كلماتك .. ربى لا يحرمنى زوقك

      كل الود اخى

      حذف
  3. مسا الرومانسيه والكلمه الرقيقه القويه

    ايه ده اسميه ايه روعه ... تحفه ..... كلام كتير ورائع
    مش عارفه ليه افتكرت اغنية اصاله ستين دقيقه حياه انتى لازم تشوفى حد يتنبى الموهبه دى وشعرك ده يظهر للنور بجد وعاوزه منك وعد لما احد اعمالى الفنيه يشوف النور انتى اللى لازم تكتبى الاغانى بتاعته

    مبسوطه بكلام الرقيق الراقى

    ردحذف
    الردود
    1. مساء الورد عليكى زهراء الغاليه

      ميرسى اوى حبيبتى لطيب كلماتك وزوقك ويارب دايما اكون عند حسن ظنك
      يسعدنى كلامك اكيد وكله باوان
      كل الود حبيبتى

      حذف
  4. جميله اوى اوى
    احلى مافيها الرومانسيه
    شكرا يابسومه على احلى كلمات

    ردحذف
    الردود
    1. الاجمل تواصلك وطيب كلماتك ياقمر

      تسلمى حبيبتى ولا انحرم زوقك ابدا
      كل الود

      حذف
    2. انتى الاجمل والله يا بسومه
      كل الحب والتقدير ليكى

      حذف
    3. تسلمى ياقمر كلك زوق حبيبتى والله

      حذف
  5. الله عليكِ ياا بسمة الكلماات
    رمانسية حالمة وجميلة ودافئة
    راائعة جداا
    سلم قلمك

    ردحذف
  6. ربنا يعزك ياسعيد

    تسلم يارب ولا انحرمش تواجدك الراقى .. كل الود

    ردحذف
  7. روعه تسلم ايدك
    انت ممتلكه بشكل ممتع للهجتك العاميه

    استمتعت بكلماتك وبمدونتك الجميله

    تحياتى


    ......

    ردحذف

رأيك لو سمحت