السبت، 6 يونيو 2015

من حقى




من حقى احبك انت

واقولها بأعلى صوت


ياللى قربك بيفرق


ويايا حياه يا موت


من حقى احبك انت


 واسرح ف غرامى وافرح


ياللى الاشواق معاك


 بتنور كل مطرح


من حقى احب روحى 


واغرق وياها اقول 


انت الروح والحقيقه


 والشرح معاك يطول


من حقى تانى  تانى


ازعق ويا زمانى


 بحبك ياللى قربك 


خطى كل المعانى


من حقى والله اقولها


وارجع تانى اكررها


ولا حد يقدر ابدا


 يسرق منى قررارها

من حقى ياناس قولولى 
مين على البعد ده يقدر 
الحب فى الزمان ده
قدرنا والمقدر

انت حبيبى وملمحى 

بتحبك غصب عنك

والقرب معاك بيضوى

 فى سمايا وكله منك

من حقى احبك انت


واقولها باعلى صوت


ياللى قربك بيفرق


ويايا حياه ياموت

هناك 9 تعليقات:

  1. مسا الرومانسيه والكلمه الشقيه
    من حقى اقول انى بقيت مدمنه شعر عشان خاطرك
    من حقى اقول انى اتمتع بحروفك
    من حقى اقولك على سر انى كل يوم سبت بتكون فى اغنيه معلقه معايا طول اليوم واجى اقرا البوست بتاعك على نغمات الاغنيه وبعدين اطفيها واقرا بهدوء بقى واركز وارجع اشغل الاغنيه من تانى واقرا بقى واكتب الكومنت والغانيه كل شويه تتعاد النهارده بقى بالحظ والصدف الاغنيه اللى معايا اسمها يا ليالى لشيرين
    بصراحه كده بازعل اوى لما كلماتك بتخلص واقول انتى بخيله ليه كده يا سومه مش هاين عليكى شوية كلمات حلوه كده
    اول مره اخد بالى من شهادة التقدير اللى انتى اخدتيها من منتدى عاطف الجندى الادبى ما شاء الله عليكى انتى شاعره كبيره واحنا مش عارفين نقدرك بجد
    مبسوطه بحروفك جدا جدا

    ردحذف
    الردود
    1. ومن حقى اقول انى بحبك فى الله جدا زهراء
      ويارب ما انحرمش من زوقك وتواصلك الغالى
      وردود الجميله وثنائك الراقى وياارب اكون عند حسن ظنك دايما
      تسلميلى ياحلى زهراء
      كل الود حبيبتى

      حذف
  2. حلو
    بس أنا مابحبش أشعار الحب إلا الفصحى القديمة
    المجنون وعنترة وكدة
    بأحس إن العامية نحنحة أكتر منها شعر هههه
    على العموم أحسنتى :)

    ردحذف
    الردود
    1. مساء الورد يامحمد
      معلش بقى حظك انى شاعرة عامية بحبها معلش اوى هههههههههه
      نورتنى كل الود

      حذف
  3. واو واو واو بجد
    ايه الحب الجميل ده
    كل الاحاسيس والنشاعر وصلتنى اوى
    حسيت انى طايره وسط حروفك
    تحياتى لاجمل شاعره رقيقه
    قمه فى الرومانسيه

    ردحذف
    الردود
    1. مساء الياسمين على عيونك ياقمر
      تسلمى حبيبى ولا انحرم زوقك وتواصلك الغالى
      كل الود والحب

      حذف
  4. اذكر تاريخ اول مرة اقرأ بالعامية ، وسأذكر تاريخ اليوم حين احببتها ، ادركت حبي لها حيت تمنيت الا ينتهي النص ، رغم ان موضوع ولد للفصحي ، ولكن ابداعك غير بديهيات الابجدية

    النص شيق عميق في المعاني ولا يحب ان تعبر تلك المعاني مرورا عاديا ، فقد اقنعتينا قناعة صلدة بتغيير ثوابتنا ... فنشعر بالقرب احياء واموات حين يكون قرارا داخليا
    والشوق قرارا داخليا
    والعشق قرارا داخليا

    وان كنت - شخصيا - اؤمن اننا -حين نحب - فكل افراط او تفريط يؤدي الي قرارات - احيانا - خاطئة

    تحياتي

    ردحذف
    الردود
    1. الاخ الفاضل حاول تفتكرينى
      بيسعدنى تواصلك جدا وجميل كلماتك وتوضيحك للنص بجميل حرفك
      ميرسى لزوقك جدا .. يدوم التواصل
      كل الود

      حذف
  5. ازاى تغيب
    ــــــــــــــــ
    ازاى تغـيب وانت معاى ... تملى ساكن جوه روحى
    انت امـلى فـى الحيـاه ... وحبى ليك اخر طموحى
    انـت ايـامـى وحـيـاتـى ... اللى فات واللى اتى
    اياك تخاف من سوكاتى .. سوكاتى يعنى ان انت روحى
    ــــــــ
    احمد
    تحياتى ليكى يا سومه
    ولحرفك الجميل

    ردحذف

رأيك لو سمحت