الأحد، 6 ديسمبر، 2015

هرجع لجنتها


القلب لما مال
 صحى هوايا جريح
ولما شوقى طال

بقيت ف حبى صريح

حبيت وقلت الله

خبينى ف عيونك

يالى هوايا معاه 

صحيتنى بجنونك

شوفت الهوى عصافير

طايره من الجنه

ولما الزمان بيميل 

تبقى الورود حنه

لها عطر كله نهار

وعيونه عشقانى

وف قرب كله

 خضار

 بسرح ف بستانى 

زهر اللمون عندى 

زاهى وبينور

صحى النعاس الوان

ف حضورنا يتغير

رجع السمار شمعه

ف جبينى يحينى
عشان ما يسرى الفرح

 ف عيونى وتجينى
وسمعت صوتك همس

دايما مدفينى

 بحيا وانا وياه 

وافرح يغنينى

القلب كله صهيل

 يدعى على عيونك

 اللى مليتنى عمار

 وجفونى بتصونك

ما تقولها من تانى

 كلمه وهاويتها

 وحلفت اروى حنان

وف قلبى  خبيتها

 لجل ما ييجى زمان 

وارجع لجنتها


هناك 10 تعليقات:

  1. امنيات واماني
    جنان وعصافير والوان الطيف
    كلماتك دائما ربيع يتجدد

    تحياتي

    ردحذف
    الردود
    1. ربنا يعزك كلك زوق دايما
      كل الود اخى نورتنى

      حذف
  2. والله وحشتينى أشعارك الجميلة وصحبتك الطيبة الغالية

    كلمات راائعة وجميلة واحساس ولا أروع من كداا
    الله عليكِ يا بسمة الشعر والأدب



    تحيااتى

    ردحذف
    الردود
    1. الاخ الفاضل سعيد وحشه
      اهلا بيك نورت المدونة بطيب كلماتك وزوق
      كل الود

      حذف
  3. دائما تطنب الروح لكلمات الجميلة
    وليس هناك أجمل من العودة لجنتها
    أبدعتى شاعرتنا الجميلة

    ردحذف
    الردود
    1. ربنا يعزك ياجمال
      بيسعدنى ردودك وتواصلك كتير
      كل الود

      حذف
  4. مسا الحاجات الحلوه اللي بتعدل المزاج عن جد ندمانه اني لم ادرس الشعر أو افهم فيه قبل كده كلامك جميل وسلس وتحفه بجد يدخل القلب والعقل من غير استئذان
    بلاش تتأخري علينا والله كلامك بيوحشني يا سومه يا سكره

    ردحذف
    الردود
    1. حبيبتى زهراء
      دايما بيسعدنى وجودك وزوقك وكلامك
      اتمنى اكون عند حسن ظنك ياقمرايه
      كل الود

      حذف
  5. ايه الجمال ده يابسومه
    سيدى ياسيدى عالجمال والروعه
    اجمل تحياتى لقلمك
    وحشتينى جدا واسفه عالتاخير

    ردحذف
    الردود
    1. ولا اجمل من تواصلك حبيبتى قمر
      كل الود ولا انحرم زوقك ووجودك

      حذف

رأيك لو سمحت