الأربعاء، 20 يوليو 2016

نسيت يافراق





خلاص الدمع جوايا 

صبح اشلاء

مابين الهم والحيره

نسيت يافراق

بقول واصرخ انا راضي

وصوت الرد بقي فاضي

عل ارغول

وبعزف كلمتين تايهين

عل جراح الهوا دايما

شموع صابرين

يا ليل الصبر يامسهر

عيوني امان

انا غيرت اعتابي

بلاها جنان
لضمت الحب ف ورودي

وقلت اقطف ف موعودي

وسكنت الامل فيا

فطبطبلي بحنيه

وعود الشهد ف عنيه

تنور نجمه سبقاني 

راحت لبعيد

بتوعد يومي وسنيني

ما هتفوتني ف ليله وحيد

وانا دمعي ف جوايا

دا متشتت بيعلني

بايامي باحلامي

بطيبه لسه سحباني

 صبحت جديد
ــــــــــــــــــــــــ
وحشتونى والله

هناك 9 تعليقات:

  1. اخيييييراااااا
    اهلا بيكى نورتينا من تانى
    وحشتنا كلماتك الجميله واحساسك
    اوعى تتاخرى تانى كده
    حمدالله عالسلامه
    بس بصراحه انتى راجعه ببوست جامد اوى اوى
    تسلم اديكى ويسلم احساسك

    ردحذف
    الردود
    1. اهلا بيكى ياقمر تسلمى يارب
      وحشتينى جدا والله وايه موضوع انك مش موجوده على الفيس لا لا مش ينفع مستنينك هناك ومش تنسى تضيفينى اول واحده ههههههه
      ربنا يعزك حبيبتى ولا انحرم ابدا زوقك كل الحب

      حذف
  2. حمد الله ع السلامة...الحمد للله ان سد النهضة ما قطعشي نهر الكلمات ..تصدقي اتخضيت.....روعة ...كالعادة

    ردحذف
    الردود
    1. الله يسلمك تركيب
      تسلملى يارب ويسلم زوق كلماتك .. الحمد لله انى مش تبع النهضه اصلا هههههه انا نبعى من ربى لوحدى استقلال يعنى هههه
      مساء الخيرات عليك

      حذف
  3. سومة القمرايه
    مهما بنشوف بعض على الفيس ومهما رغيت هناك برضه التدوين له رونقه وعاوزين نتفق انا وانتي نقنع قمر التدوين (قمر وليل وغيوم) انها تنور الفيس

    الكلمات روعه اقولك على حاجه باشعر هنا إن كلماتك لها طعم غير طعم كلمات الفيس هنا باحس بالهدوء .. منوره الدنيا هناك وهنا

    ردحذف
    الردود
    1. زهراء الغاليه
      تسلميلى ياقلبى ويسلم زوقك وكلامك اللى بيسعدنى كتير والله
      وهى قمر لسه مش موجوده على الفيس ؟؟ ليه كده
      المهم انك منورانى دايما حبيبتى تسلميلى يارب مساء الفل

      حذف
  4. عودا حميدا شاعرتنا الجميلة
    وحشتنى كلماتك كثيرا وإن كانت هذه القصيدة تحمل الكثير من الألم
    الا انها تحمل الكثير من الرقى برقى من خطها
    مودتى وإحترامى

    ردحذف
    الردود
    1. اهلا بيك ياجمال وبذوق كلماتك
      ربنا يسعدك ولا ننحرمش التواصل .. كل الود اخى

      حذف
  5. كما تعودنا منك تدوينه رائعه

    ردحذف

رأيك لو سمحت