انسى ياقلبى الحب
وعيش
واسمع صوتى
ومتقوليش
نرجع تانى
لحضن آلامنا
اوعك تانى
ولا تعيدليش
داانت ندمت
ف لحظة معاه
على ايام
عشتها ب مفيش
مش راح الومك
على احلامك
راح الوم نفسى
ولا تلومنيش
توبه يرجع
تانى كلامنا
مع احلامنا
ولاأخبيش
ألمى وندمى
ف حضن ايام
راحت مـٍنى
زى فراشة
ف وسط الريش
انسى وسيبك
وارجع تانى
ويا الصبر
اتهنى عيش
قوية جدا...تتغني وربنا ولا تقولي ايمن بهجت قمر...انا غنيتها علي فكرة ههههه بس غيرت تلات حاجات معلش بقي بعد اذنك ياقطر
ردحذفاوعك تانى ولا تعيدليش الي اوعاك تاني ماتعدليش
راح الوم نفسى ولا تلومنيشالى راح الوم نفسى وما تلومنيش
ويا الصبر اتهنى عيش الي ويا الصبر اتهنى و عيش
اهلا تركيب
حذفوربنا بيسعدنى جدا تعليقك الجميل
انت تغير براحتك مسموح لك طالما هتبقى ملحن كلماتى ههههههههه على فكرة انا ليا اغانى اجمل من كده المرة اللى جايه انشر اغنيه راح تعجبك مش غرور والله ابدا انا بحب اسعد معجبين كلماتى البسيطة ودا بيبقى كفايه عليا اوى
ربنا يسعد اوقاتك بالخير والسعاده ويارب اكون دايما عند حسن الظن
ميرسى اوى لزوقك مساء الفل
احنا عاوزين شركة إنتاج بجد ومش هزار المواهب دي لازم تظهر للناس مش مجرب تدوين وبس
ردحذفمتالقه المره دي حلوه اوي
زهراء الحبيبه
حذفاهلا بتواصلك الغالى حبيبتى
والله ايدى على كتفك ههههه بس تعرفى انا بنبسط اكتر ان كلماتى بتعجبكم ولها ناس باحساس خاص ودا كفايه عليا والله
تسلميلى حبيبتى وما انحرمش زوقك ابدا
كل الود
هناك شيء مختلف هنا
ردحذفكل مفرداتك حاضرة وبشدة ، لكن اشعر بقوة داخلية كبيرة بين السطور
عموما ، الاباع - كاعادة - هو عنوانك
تحياتي
ربنا يعزك ولا انحرم زوقك ابدا
حذفواتمنى اكون عند حسن الظن .. كل الود
الحب اللى من النوع ده البعد عنه غنيمه فعلا
ردحذفابدعتى فى البوست ياسومه
وامتعتينا
تحياتى لكى حبيبتى
تسلميلى ياقمر ويسلم زوق كلماتك
حذفبتنورينى دايما كل الحب والموده
أولا أتمتى تكونى بخير شاعرتنا الجميلة
ردحذفبالنسبة للقصيدة مش عارف ليه كنت بدندن وأنا بقراها
شكلى هلحنها مع انى مليش فى صناعة الموسيقى
قصيدة رائعه وجميلة كالعاده وتوحى للقارئ بأنه يعيش الحاله المزاجية ذاتها
تمنياتى بالتوفيق الدائم
انا بخير طول ما اصدقائي الاعزاء بكل خير وسعاده
حذفبيسعدنى تعليقك جدا ياجمال والله ميرسى لزوق كلماتك
كل الود اخى
تسلم اناملك
ردحذف