حرف الكلام مبتور
يجرى هنا ويدور
واحنا نجول ونصول
ويدفى أحلامنا
امتى هيجى النور
ويا الشعاع مسحور
نسرح معاه ونقول
ونلم أزهارنا
لجلن ما تيجى ايام
نجرى وراها قوا م
والسعد اهو قدام
وتقول وتدعيلنا....
يافجر بدرى عليك
ولا هوايا ليك
خلانى ملك ايديك
دايما تسهرنا
امانه لم قساك
احنا بنترجاك
حَنينا شوق لقياك
ترجع تغيرنا
صوتى انا منبوح
ولا هواك بجروح
دايما تهد صروح
والهجر دا قدرنا......
شديت لقلبى سلام
لا عرفت لوم وملام
ولا حتى يوم اوهام
والشهد كررنا
امانه قولى ياطير
ياابو العيون بتميل
امتى يهل دليل
ف سمانا يشغلنا .....
****************************************
****************************************
