رباعيات

ياقلبى زاد الغُنا.. صوت الامان مكتوم

نسال عليه فى الفضا يمكن يجينا ف يوم

يحمى اصول الهدى ونلم عشاقه

نسرح مع اللى ابتدى ويرجع المقسوم

  ياقلبى  زاد الغنا... على اصل موالى
واللى هويته ارتضى يشوف مرار حالى
البعد مره نار وانا اصلى مش قادر
وبكره يجى نهار يروق زمان جالى

 ياقلبى زاد البكا ...وانا اصلى كلى جروح
والبعد قالى انا ... خليك ف بُعد ونوح
الصبر مره مرار والغنوة موالى
وف بعده قلبى احتار ياجرح قلبى رووح

 ياقلبى زاد البكا ... ولا دا طبع الشوق.

 طول عمرى ف المبتدا بدعى بكل الذوق 

 يروق اوان الهنا وأغنى موالى 

ويرجع نهار اللقا ..وايامى تبقى شروق 

صبحت جديد

خلاص الدمع جوايا 

صبح اشلاء

مابين الهم والحيره 

نسيت يافراق

بقول واصرخ انا راضي

وصوت الرد بقي فاضي

عل ارغول

وبعزف كلمتين تايهين

عل جراح الهوا دايما

شموع صابرين

ياليل الصبر يامسهر عيونى

 امان

انا غيرت اعتابي 

بلاها جنان

لضمت الحب ف ورودي

وقلت اقطف ف موعودى

مافيش حرمان

وسكنت الامل فيا

فطبطبلي بحنيه

نجمايه ف السما جايه

تنور صوره ف اديا

وتوعدنى 

مااهتفوتني ف ليله وحيد

ويصبح عمرى ووروده


 ف يوم العيد 

وانا دمعى ف جوايا 

دا متشتت بيعلني

بأيامى بأحلامى 

بطيبه لسه سحباني

صبحت جديد 
صبحت جديد

الفتنه خطيرة

الليالى الحلوة انت

بالامل تغزل ساعتها 

الليالى المرة تقدر

بالعمل توقف ثباتها

كل حاجه حلوة لينا

بالشراع ويا السفيه

مش بواحد دار لسانه

يقرص القرصه اللعينه

خلى بالك ياهمام

الكلام زى الحسام 

ربك القادر بيحسب

كل حرف لك لجام

كل شبهه تبقى منك

ولا فتنه غصب عنك 

تنكتب وتكون كبيره

مش تخبط ولاحزن

دا امتحان لينا بوزن

جوه دنيا ضباب شرورها

زايده حبه من غرورها

ابعد الكلمه بمرورها

احمد حياتك بالرضا

 وان كت قصيره

امسك زمام امرك 

واحذر!!

تبعد الفتنه الخطيره