الخميس، 21 مارس، 2013

نبع الخير


 
دموع حبى وافراحى

 تقول تحكى على حبك

على تعبك معايا سنين

 واقول ياامايا وب قلبى

 دا جوايا كلام وكتير

كلام اتمنى يوافيكى

 ويهديكى

دعايا  اسير

دعاء يمكن يخلينى

 احس بفيض ف ايامى

 زهور ما تغير

 دا حبك نبع جوايا

بيسرى عبيره لسمايا

ياحضن ودافى ياامايا

رضاكى من رضا ربك

وايدى تحن وتضمك

صبرتى كتير على همومى

وياما الفرح كان يومى

بتطوينى شموس ضيك

انام واسرح ومين زيك

يصبرنى ما يغدربى

وع الاحمال يقدرنى

بقول يارب يحميكى

 ويجعل ستره حواليكى

ويجعلنى لرضاكى اميل

يا يامايا يانبع الخير

هناك 4 تعليقات:

  1. دموع حبى وأفراحى
    عشانك ما تكفيكى
    واحلى هديه فى الدنيا
    حقك ما توافيكى
    يا أغلى عندى من نفسى
    انا نفسى
    ..
    أعيش ليكى
    ..
    وأموت ليكى
    *************************
    ابدعت حقا يا "بسمة الورد"
    وشغلت بيدك عقدا من الؤلؤ
    *************************
    بتمنالك التوفيق
    ..
    توفيق

    ردحذف
  2. دا حبك نبع جوايا
    بيسرى عبيره لسمايا
    اننى اشم رائحة بسمتك الوردية ولا مناص لى فى ان اترك مدونتك

    ردحذف
  3. الشاعر توفيق جمال

    كل الشكر والتحايا لتواصلك الراقى

    دام الود والتواجد اخى
    مودتى واحترامى

    ردحذف
  4. الاستاذ الفاضل الفاروق

    كم يسعدنى ويبهج قلبى ان ارى كلماتك العطرة تفوح بين جنبات مدونتى المتواضعه

    لا حرمنى الله هذا التواصل الغالى

    مودتى واحترامى لشخصكم الكريم

    ردحذف

رأيك لو سمحت