الاثنين، 25 مارس، 2013

فووق ياولد


صبح الولاد السمر

 هم حزنها

شايلين تراب الغدر 

زادوا ف حملها

ليه الولد قاسى  وعنيد؟

 ليه الولد برضو الشهيد ؟

سايب حدود الحق 

ماسك ف السراب

ماسك غناوى الظلم 

صرخه للسحاب

 ناسى خلاص فين ضيها

ناسى اللى شاف خيرها 

وماشى ف ضلها

هى البلد هانت ياناس

ولا الجبين صبح المداس

رخصت النفس البريئه بقتلها

غدرت نفوسنا

   نسيت حتى ربها

ماتفوق بقى !!

 حس النفوس القاسية

 من وسط الشجن

شيلها قساوة القلب

 وارجع  رجعه بالزمن

تلقى القلوب الطيبه

 عاشت هناك

عشش معاها الحب

 والرحمه ملاك

كان الطريق هو الرفيق

والضى فى عيون البنات

 سارق غناوى حبها

ودا عشقها 

ماترجع بقى !!!

فوووووووق ياولد

هناك 4 تعليقات:

  1. جميله كما تعودنا منك
    ..
    وارجع رجعه بالزمن
    ..
    افتكر لو بقت
    أرجع بالزمن
    هتبقى مناسبه اكتر
    ..
    من وحى ابياتك
    كتبت
    **
    صبح الولاد السمر

    ساخطين الوجود
    **
    شايفين فشلهم

    واليأس حالهم

    والعجز أصبح قدرة

    ملهاش حدود
    **
    كسروا بلدهم

    ودمروا شبابهم

    ودفنوا ولادهم

    تحت انقاض البيوت
    **
    عايزينها ثورها

    دى بلدنا حره

    مهى لعبه حلوه

    واخرتها موت

    *بتمنالك التوفيق*
    توفيق

    ردحذف
  2. منين اجيب ناس لمعناة الكلام يتلوه

    جميلة و معبلاة و حقيقية

    تحياتى

    ردحذف
  3. الاخ الفاضل الشاعر توفيق جمال

    كم يسعدنى تواصلك الراقى واضافتك التى اسعدتنى ايضا

    دام حسك مرهفا ودمت بتواصل رقيق
    مودتى واحترامى

    ردحذف
  4. الاستاذ الفاضل ابراهيم رزق

    اهلا بك بين احرفى المتواضعه ميرسى لزوق كلماتك

    دمت بكل خير وتواصل مودتى واحترامى

    ردحذف

رأيك لو سمحت