الخميس، 25 أبريل، 2013

انامصرى



على اسم مصر

 قلبى انكتبله دليل

 يروى عطاشا الهوا

 والروح معاه بتميل

 مكتوب علينا الصبر

 احنا ولاد النيل

 المُر من شهدنا

 صَبر غناوى الطير

 والفرح عدى اصيل

 على صوت نسيم الليل

 والنبع ف البستان

 صحى الزهور الوان

 كاتب على شوقنا وبالوجدان

 عَود خطاوى السهد

 تنشد وبالالحان

 أبدر على ايدك

 لمحه من النسيان

 ابيض يافجر اليوم

 صاحى وبتنور

 وبسمة الروح

 على خدودى

 قمر صور

 راح ارسم بكرة

 وبريشة امل حانى

 تخضر نبعه

علشانك وعلشانى

 وهكتب على عودى

 انا المصرى انا الاسمر

هناك 7 تعليقات:

  1. هكذا يكون الافتخار
    باعذب المعاني وارقها وبلغة سهلة الوصول للجميع ، لا تخلو من الصدق
    كلماتك ما هي إلى زهور متناسرة في فيافي ناضرة ، روضة لا ينقصها شىء ، ربيع عبير ظل وثمر
    محظوظون نحن بتواجدنا هنا
    في انتظار جديدك دائما
    تحياتي

    ردحذف
  2. ستظل بلاد النيل شامخة مهما مر بها من ضيق وسيبقى اهلها أصحاب فضل ما دام الزمن
    شكرا على الكلمات الراقية والجميلة والتى تنبع من وجدان صافى

    ردحذف
  3. اعتذر عن الخطأ الاملأئي في كلمة متناثرة
    ارجو السماح والمعذرة

    ردحذف
  4. انا المصرى
    واقف فى وش الريح
    .
    ثابت ومش خايف
    .
    وبرغم انى جريح
    .
    غير أملى مش شايف
    .
    وبردد التسابيح
    .
    مؤمن وأنا عارف
    .
    رب العباد موجود
    .
    وصبرى ماله حدود
    .
    ازمه وأكيد هتفوت
    .
    ومن جرحى هتعلم
    ***
    من وحى ابياتك .. كان ارتجالى
    ..ومازلت تزينين ابياتك بأجود انواع اللاّلئ .. دامت احرفك نبعا نرتوى منه ..بتمنالك التوفيق .. توفيق


    ردحذف
  5. حاول تفتكرنى

    كم يسعدنى تواصلك الراقى وطيب كلماتك العذبة .. ميرسى لزوقك الراقى

    دام التواصل والرقى فى المشاعر

    مودتى اخى

    ردحذف
  6. استاذ جمال ابو العز

    كل الشكر والتحايا لتواصلك الراقى

    دامت مصر باهلها وشعبها راقيه عزيزة

    مودتى اخى

    ردحذف
  7. الشاعر الراقى توفيق جمال

    لكلماتك بريق يزيد كلماتى بريقا ورونقا

    دمت رفيق الدرب مبدعا

    مودتى اخى

    ردحذف

رأيك لو سمحت