الأحد، 7 أبريل، 2013

انفاس فرحه



 بتنادى وبتدندن

 مع الغاوى

 تقول يادنيا مش ناوى

 ابوح الا بأنفاسى

 ولااقاسى على جناحك

 ولا عمرى أقول حرة

 وبالمرة

 تكون انفاس معدية

 مضوية على الفرحة

 بتصرخ لك بحزن دفين

 تكون ثابته ولا البراهين

 واحساسى يبان راسى

 وف الوجــدان اكــون انســان

 بياخــد كل نفسـه شهيـق

 وبرة الضيـق

 كأنى بحـضن الدنيــا وبضـلوعى

 بتخرج منى تنهيـده

 طيور للحـب ممـدودة

 بتفرد ف براحى حصون

 بتتهادى وتتنادى ف كل سكون

 زهور ف الروعه ايد فنان

 بتبعدنى سنين قدام

 اشوف الكون وانا وحدى

 نقسم فرحة تستنى مع الاحلام

 فتبقا سمايا بتنور ف كل مكان

 ويطلع ضوء كأنه الطوق

 يعدى غريب على جناحه

 يلم الفرحة ببراحه بضحكايه

 وبسماية تعشش شجرة جوايا

 كما الاغصان نوزعها ولا بتفيض

 مع التنهيد

 وبتنادى عليا كتير

 تتهاوى ولا العصافير

 وبحبسها وادندنها

 وبأديا تكون أفراحى

 ليا أسير ـ
ــــــــــــــــــــــــــ

هناك 4 تعليقات:

  1. أول مره أمر بالمدونة وأكيد مش أخر مره
    وفقك الله وأتمنى أن تسيرى للامام دائما

    ردحذف
  2. الاستاذ جمال ابو العز

    اهلا بك فى مدونتى المتواضعه شرفت بتواجدك وبطيب كلماتك

    دام التواصل واتمنى تعجبك كلماتى البسيطة

    مودتى واحترامى

    ردحذف
  3. مش عارف اقولك ايه ، انت متمكنة جدا وبشكل مبدع
    الحروف في انفاسك ترقص ، والموسيقي تغني علي اوتار الثقة والتفاؤل
    الابيات مترابطة ، تحكي وتشدو وتتثني في ابداع فريد
    في العادة لا احب ان اعلقك بإطراء كبير لكنك وبدون ادني مجاملة فنانة
    بصراحة استمتعت بين كلماتك
    تحياتي

    ردحذف
  4. الاخ الفاضل .. حاول تفتكرنى

    اسعدتنى بطيب كلماتك ميرسى لزوقك جدا

    اهلا بك دائما شرفت مدونتى البسيطة ويارب دايما اكون عن حسن الظن وتعجبك كلماتى

    مودتى واحترامى لتواصلك الراقى

    ردحذف

رأيك لو سمحت