بتنادى وبتدندن
مع الغاوى
تقول يادنيا مش ناوى
ابوح الا بأنفاسى
ولااقاسى على جناحك
ولا عمرى أقول حرة
وبالمرة
تكون انفاس معدية
مضوية على الفرحة
بتصرخ لك بحزن دفين
تكون ثابته ولا البراهين
واحساسى يبان راسى
وف الوجــدان اكــون انســان
بياخــد كل نفسـه شهيـق
وبرة الضيـق
كأنى بحـضن الدنيــا وبضـلوعى
بتخرج منى تنهيـده
طيور للحـب ممـدودة
بتفرد ف براحى حصون
بتتهادى وتتنادى ف كل سكون
زهور ف الروعه ايد فنان
بتبعدنى سنين قدام
اشوف الكون وانا وحدى
نقسم فرحة تستنى مع الاحلام
فتبقا سمايا بتنور ف كل مكان
ويطلع ضوء كأنه الطوق
يعدى غريب على جناحه
يلم الفرحة ببراحه بضحكايه
وبسماية تعشش شجرة جوايا
كما الاغصان نوزعها ولا بتفيض
مع التنهيد
وبتنادى عليا كتير
تتهاوى ولا العصافير
وبحبسها وادندنها
وبأديا تكون أفراحى
ليا أسير ـ
ــــــــــــــــــــــــــ
أول مره أمر بالمدونة وأكيد مش أخر مره
ردحذفوفقك الله وأتمنى أن تسيرى للامام دائما
الاستاذ جمال ابو العز
ردحذفاهلا بك فى مدونتى المتواضعه شرفت بتواجدك وبطيب كلماتك
دام التواصل واتمنى تعجبك كلماتى البسيطة
مودتى واحترامى
مش عارف اقولك ايه ، انت متمكنة جدا وبشكل مبدع
ردحذفالحروف في انفاسك ترقص ، والموسيقي تغني علي اوتار الثقة والتفاؤل
الابيات مترابطة ، تحكي وتشدو وتتثني في ابداع فريد
في العادة لا احب ان اعلقك بإطراء كبير لكنك وبدون ادني مجاملة فنانة
بصراحة استمتعت بين كلماتك
تحياتي
الاخ الفاضل .. حاول تفتكرنى
ردحذفاسعدتنى بطيب كلماتك ميرسى لزوقك جدا
اهلا بك دائما شرفت مدونتى البسيطة ويارب دايما اكون عن حسن الظن وتعجبك كلماتى
مودتى واحترامى لتواصلك الراقى