الجمعة، 15 نوفمبر 2013

بنكتب لمين ؟؟



قالولى ها تكتبت !!!وتكتب لمين ....؟


بنكتب لمصر اللى عايشه وابيه
 ومهما استكانت هتفضل عفيه
هترجع لخيرها وهى راضيه
 دى اصل الحكايه ورمز الكفاح

 بنكتب لحضن السلام الامين
 ينور بروح المحبه السنين
نغنى ونرفع شعارنا المبين
عشان بكره يرجع بنوره المباح

 بنكتب لفجر النهار البعيد
 ينور شعاع المحبه السعيد
 يرجع كلامنا ولو كان عنيد
 وبستانا يطرح موده وسماح

 بنكتب محبه وفرح وسلام
 بنكتب لشهد اللقا والكلام
نصبر قلوب الغلابه بهيام
نحول شراع السفينه لنجاح

بنكتب لصبر الليالى الوحيده
 وهنعبر بلحظة لقانا الفريده
نلم الايادى ونرسم جَريده
 وننشر عليها نشيد الصباح

 بنكتب لابنى وابنك كمان
 وطبع القساوة يروح م المكان
 نقرب ما بينا نقول ياما كان
وزهر الموده هيطرح فلاح

هناك 12 تعليقًا:

  1. الله!
    رائعة جداً جداً القصيدة، لا استطيع ان اصف لكِ سومه كيف أثرت في وكم أثارت داخلي من مشاعر.
    دمتي رائعة راقية مبدعة.
    كل التحية.

    ردحذف
    الردود
    1. احمد صالح الاديب الرائع

      كم يسعدنى تواصلك الدائم ... دام الود والتواصل اخى

      مودتى

      حذف
  2. سلمتى يا شاعرة الحب والوطنيه
    تحياتى اليكى
    ــــــــــــــــــــــــــــ
    جميل ما كتبتى

    ردحذف
    الردود
    1. ربنا يعزك على التواصل

      ويارب دايما ... مودتى نورت المدونة

      حذف
  3. الردود
    1. الشاعر الجميل احمد رفيق

      كم يسعدنى تواصلك وطيب كلماتك ... ربنا يعزك

      مودتى

      حذف
  4. القصيدة رائعه جدا
    واستوقفنى البيت ده
    بنكتب لابنى وابنك كمان
    تعرفى إحساس جميل لما نكتب لأشخاص لسه مبقوش موجودين
    زى ابنى ده :)

    تحياتى على القصيدة الجميلة جدا

    ردحذف
    الردود
    1. استاذ جمال ابو العز

      ميرسى جدا للتواصل الدائم ... شرفت المدونى بجميل كلماتك

      كل الاحترام

      حذف
  5. جممممممممممممميلة جدا

    ردحذف
    الردود
    1. الغاليه عبير علاو

      اهلا بك حبيبتى فى مدونتى المتواضعه

      نورتينى والله بجميل تعليقك

      مودتى غاليتى

      حذف
  6. ررررررررررررررررررررائعه حقا
    وبصراحه فيها كميه صور ولا اروع
    سلم احساسك يا شاعره

    ردحذف
    الردود
    1. الاخ الفاضل .. اسلام

      كل الشكر والتحايا لزوق كلماتك وتواصلك

      نورتنى والله .. ويارب دايما

      مودتى

      حذف

رأيك لو سمحت