الجمعة، 14 مارس 2014

انا استكفيت



ياكل همومى وجراحى
 انا ف بعدك....
بروح وارتاح مابين الاهه
 وبودك
امل طارح ف ايامى
 يعدى ملام
اشوف العتمه ف عيونى
 تطول قدام
تعالى تحلى ايامى
 ولا الاوهام
انا اللى صبرت ياهوايا
 معاك وكتير
اقول يمكن ف جوايا 
الاقى مصير
يعدى فوق براح سارح
ما بين الجرح والطارح 
مع الايام
دا طرحك داب ف اوهامى
 شجن وكلام
المه فوق ليالى الخوف
 تشده قوام
اشوف البعد بيقرب 
ولا الاحلام
ياغربه عمرى بكفايا 
انا استكفيت
اروح من بدرى وبشوقى 
كفايه.. نسيت
سنين ايامى وافراحى
 ياريتنى ماجيت

هناك 6 تعليقات:

  1. بسمة ورد
    وحشنى ابدعاتك جدا
    رغم إن الكلمات حزينة جدا لكن لها مدلول لمن يحسها
    تحياتى أختى الغاليه

    ردحذف
    الردود
    1. ربنا يعزك ياجمال

      بيسعدنى تواصلك الغالى يارب دايما

      كل الاحترام اخى

      حذف
  2. الله يا بسومه
    جميله اوى اوى الكلمات
    انتى فعلا موهوبه
    ومبدعه كمان
    تحياتى ليكى ياجميله

    ردحذف
    الردود
    1. تسلمى ليا ياقمر ولا انحرم زوقك ووجودك الجميل

      مودتى حبيبتى

      حذف
  3. السلام عليكم

    بسمة الورد أحب أقولك ان المستوى جيد لهذه الكلمات
    لكننننننن .. لما أكون متعود على مستوى أعلى بيبقى صعب
    أشوف منحنى لأسفل لأني تعودت على صعود السهم لأعلى
    وهذا وارد بلاااا شك ... لكن صدقا أتمنى لكم الإنتقال من حسن لأحسن
    وأنتظر القادم يكون موضوع وبوست قوي جدااا كما تعودت :)
    دمتم بخير .:))

    ردحذف
    الردود
    1. اهلا بطيب كلماتك يامحمد

      بيسعدنى رايك جدا والله

      النص ببيكون اكيد على مستوى احساس الموقف اللى فيه الكاتب .. ويمكن مش قدرت هنا اوصلك احساسى كويس .. لكن معلش خيرها فى غيرها

      شكرا للتواصل الغالى ورايك اللى بيسعدنى ويارب اكون عند حسن ظنك كل مرة

      كل المودة والاحترام

      حذف

رأيك لو سمحت