السبت، 26 أبريل، 2014

روح العصر


كل حكايه اسمعها فى بلدى 

تشد ف ضعف الكون وتهاتى 

لما ظنون الدمع تقرب

 تسرق شوق الحب ليلاتى

ناس مشتاقه لشمسة يومها تعدى اوام

وناس مظلومه تصحى همومها مع الاحلام 

راحة بال الناس مبقيتش معاها تعدى

رغمن كل وسيله بقيت براحه وكله مهدى

حتى الشوق والفرح كمان ويا المشوار

حب يسرسب حاجه شريدة مع اللى اختار

قلب وشايل هم الدنيا وراح متحير

وقلب اهو سافر ويا الريح عمال يتغير

بين القرش وبين العتمه المره اهو شارد

سابح يسرق وقت لعمره زى المارد

كله بسرعه مافيش براحه ياخلق ياهو

حتى اللحظة الرايقه تملى بقيت سرقوه

 بين الخبط وبين الوش خلاص سجنوه

روح العصر كلمه تعلق فيها كلامك

 اعمل اعمى واعمل اخرس توه ف ايامك

نبض الدنيا العاكس فى الاحوال

 صبر يعلم عمرك كله يروح  ترحال

خايفه ياناس من قلة شوقنا نغوص ف بحور

وهم وضعف وخوف ولا طاقه نور


امسك روحك عدى بصبر تعيش مستور

ايون عدى بصبر تعيش مستور


هناك 4 تعليقات:

  1. امسك روحك عدى بصبر تكون مستور

    ايون عدى بصبر تكون مستور


    بجد ابدعتى ربنا يحفظك يارب ويسعدك زى ما اسعدتنى

    ردحذف
    الردود
    1. تسلمى حبيبتى ولا انحرم تواصلك ولا زوقك

      يارب يومك سعاده وهنا .. مودتى وحبى

      حذف
  2. كلمات رائعة

    تسلم ايدك بسمة

    مع خالص تحياتى

    ردحذف
    الردود
    1. الاخ الفاضل تامر نبيل

      اهلا بتواصلك الغالى .. ربنا يعزك

      مودتى ... نورتنى

      حذف

رأيك لو سمحت