الأحد، 26 أكتوبر 2014

همسة قرب



فى ناس ومن بعدها
ننسى الحنان والحب
وف لحظه نشتاق لها
نتمنى همسة قرب
ياللى الامان نسيتوه
اتهنوا وانسونا
قرب البعاد احزان
 لو حتى فتونا
يمكن اوان الفجر 
شاهق ومن قربكم
وانا قلبى اصله صد 
من يوم ما خنتونا
هون عليا الجرح
 تعب الجوارح شوق
شوفت المدامع فرح
صبره منين ما بفوق
بخاف اوى لو يوم
 غمضت انا عيونى
بحس طعم اللوم 
والقسوه ف جفونى
شباكى نوره انطفى
 م الغز ف المواويل 
ياللى عتابكم قسى
 شيلوا السهاد  والوويل
مشتاقه لحظة لقا
 بين النهار والشمس
ترجع غناوى الشجر 
مرتاحه من غير همس
جرحى اللى عدى هناك
 قال دا الزمن ناوى
يهرب ومن غربته 
لو حتى مداوى
ياللى فراقكوا مرار
 ما تحنوا وتجونا
اصل احنا باستمرار
 فاكرين وتنسونا ؟

ماهى ناس ومن بعدها

ننسى الحنان والحب

وف لحظة نشتاق لها

 نتمنى همسة قرب  

هناك 9 تعليقات:

  1. ف لحظة نشتاق لها

    نتمنى همسة قرب

    كلماتك جميله جدا جدا ونتنهى بجمله اثرت فيى واسترجعت ذكرات ياله من ماضى لا ينسى دمتى بخير مع اعجابى الشديد بكلماتك الجميله

    ردحذف
    الردود
    1. فارس القمر

      الاجمل تواصلك الغالى .. ميرسى لزوق كلماتك

      كل الود

      حذف
  2. دائما ما أجد مشاعر وابيات تفوق الجمال والروعه وتعجز الكلمات تعجز عن وصفها

    ردحذف
    الردود
    1. الجمال والروعه فى زوق كلماتك ياجمال

      ربنا يعزك ولا انحرم تواصل الغالى

      كل الود والاحترام اخى

      حذف
  3. الروعة والجمال هي ما توصف به كلماتك سومه، لأنها تمس القلب والروح.
    مبدعة كعادتك.

    ردحذف
    الردود
    1. ربنا يعزك يااحمد

      كلك زوق دايما .. نورتنى ياغالى بمرورك الطيب

      كل الود

      حذف
  4. ياللى فراقكوا مرار
    ما تحنوا وتجونا
    اصل احنا باستمرار
    فاكرين وتنسونا

    الحتة دي رهيبة جدا ....

    شباكى نوره انطفى
    م الغز ف المواويل ...دي بقي مافهمتش يعني ايه الغز ف المواويل؟؟؟؟ ياريت التوضيح

    ردحذف
    الردود
    1. الصديق الغالى تراكيب

      بيسعدنى تواصلك جدا وخصوصا لما تحب تستفسر عن معنى ههههههه

      بص ياسيدى اصل عندنا فى الشعر العامى فيه حاجه اسمها التصوير المجازى والاستعارات وكده وخيال وصور يعنى من هذا القبيل

      فكلمة الغز فى المواويل اقصد بيها التعب من كتر الحزن وسماع المواويل للعشق والحب وماشابه مما أدى الى انطفاء الشباك بنور الصبح وصلت ولا ؟؟ وفى الاخر المعنى بيكون فى بطن الشاعر

      منورنى دايما ويارب ماانحرم زوق مرورك واكون عند حسن الظن بما اقدم

      كل الود

      حذف
  5. مش عارفه ليه المره دى كلماتك أنا حاساها أوى ولمساها اوى اوى
    حقيقى اثرتى فيا يا ابتسام
    تحياتى دوما لقلمك ولاحساسك
    يسلم احساسك

    ردحذف

رأيك لو سمحت