الثلاثاء، 7 أكتوبر 2014

شمتان ف قلبى






لساك بتحلم
 
حلم طارح فى الخلا

 وقت الغيوم

لساك بتبعد

 ويا صمت الحب

 حاسس بالهموم

لساك ياقلبى بتجرى جرى
 تقول ف يوم
 
راح تنشرح!!

جرحك خلاص
 
لساه قديم
 
لا فيوم هتعرف

 خطوتك همسة حنين

ولا حتى تقدر شكوتك

 تمحى الانين
 جرحك متين
 
مليان غناوى الصمت

 صوته هناك رنين

 عايش بيثبت كلمتين

دا ما فيش شموس

طالعه بتهمس للنفوس

ولا حتى حركه للرموش

 تفصل مابين الغدر

أوهزت رتوش

جرح السنين
غامق متبتت فى الطريق

سابح بعيد 
عن همسة الامل الرفيق

ولالك نصيب

ف المرسى او شط الطريق

تستاهل الموت البطىء

عارف ياقلبى بكرهك
 
 خليك غريق




هناك 8 تعليقات:

  1. أولا كل سنة وانتى طيبه وربنا يرزقك السعادة والفرح دائما ويحقق لكى كل ما تتمنين اللهم أمين

    وبالنسبه للكلمات فليس أول مره أرى مثل هذا الابداع الجميل هنا
    وإن كانت كلمات حزينة الا انها تتحدث بجمالها

    تحياتى

    ردحذف
    الردود
    1. كل سنه وانت بالف خير ياجمال

      كلك زوق دايما والله ... يدوم التواصل وطيب الكلمات

      مودتى اخى

      حذف
  2. ولسه بحلم ولسه هحلم وعمر احلامى ما تنتهى
    والله اعلم ممكن ف يوم اعرف طريقى وابتدى
    كلامات رقيقه من شاعره مبدعه

    ردحذف
    الردود
    1. ربنا يعزك رومانسى

      كم يسعدنى تواصلك .. دمت بود

      حذف
  3. فظيعة ورهيبة تسلم ياقطر....وكل سنة وانت طيبة

    ردحذف
    الردود
    1. الاخ الغالى تركيب

      ميرسى لزوقك وتواصلك ومتابعتك لكلماتى المتواضعه

      ربنا يعزك ولا ننحرم

      حذف
  4. جميلة جداا يا شاعرتنا أختى العزيزة سوما
    رااائعة وأكثر
    كل عام وأنتِ بخير وسعادة يا رب

    ردحذف
    الردود
    1. الاخ الفاضل سعيد وحشه

      ميرسى لزوق كلماتك وتواصلك الغالى

      كل الموده

      حذف

رأيك لو سمحت