السبت، 1 نوفمبر 2014

شهيد الواجب



كان فى يوم

 الصبر ساكت زى ضله

كان ف يوم 

القمره طاله جت تحله

قلب طارح ف الخلا وياالغيوم

شاف سمار الفجر باين نص يوم
قال هفوق

 واصرخ واعدى بالامل

 لضى الشروق

 هجرى واسبق خطوتى 

بطول النهار 

شاف معاه 

حلمه اللى صارخ بالخضار

شاف شبابه ورقته

 وزهر الحنين

جلجل بصوته بقوته

 لنبض السنين

 لكن هناك

 الغدر لابد ف السراب

 غادر بيغدر سكته

سم غربان الخراب

 شايف شباب الحب 

نابت م الصمود

 غدره وسيفه

 كان بيحصد ف الجنود

 فاكر بيهدم قلب بلده 

بزيف لغاه

نسى خطوته 

وان الامان عارف 

طريقه لمنتهاه

 وان الحصاد 

هيطرح خلاص

 ويادعوه هايمه ف الفضا

 زى الرصاص

هتصيب ايديه وتلعن الفكر ف عنيه 

وتقول بعزمى ويا شدة خطوتى 

هترجع حقوقك

 ياشهيد 

ودمعة الام الحزينة بكره تصبح

 زى عيد

هناك 6 تعليقات:

  1. احسنت قولا ورائيا
    ويالها من كلمات
    يتاثر بها الوجدان وااه على بلد زاد فيها الدمار
    حب الوطن ايمااان

    ردحذف
    الردود
    1. فارس القمر

      ميرسى لزوق كلماتك وتواصلك الغالى

      مساء السعاده عليك

      حذف
  2. إن فرعون وهامان وجنودهما كانوا خاطئين

    ردحذف
    الردود
    1. كله باوان وكله خير ان شاء الله ربك يعدل حال البلد ياتركيب

      منورنى دايما .. كل الود

      حذف
  3. كلمأت حزينه وحروف تنزف دما واحساس ينطق بالشجن على فراق شهدائنا
    يسلم احساسك

    ردحذف
    الردود
    1. قمر وليل

      مساء الهنا على روحك الطيبة حبيبتى

      تسلمى ولا انحرم مرورك ... مودتى

      حذف

رأيك لو سمحت