كل مشاعر قلبى اترصت
على ابواب الجنه وبصت
شافت رضا من ربى يقولى
امى الباب الحق تملى
هى الجنه وعز امالى
هى الفرحه لقلبى الخالى
كل ما اقول الدنيا خدتنى
على رجليها اروح ماتفوتنى
لمسه جميله من احضانها
تشعل ضى الكون ويحيطنى
بدعى ياربى فى كل اوان
تديها صحه تعيشلى كمان
وتخلينى الابن البار
على اعاتبها اقضى المشوار
وتكون راضى عليا بحبى
هى امان قلبى المحتار
****************************
تهنئه قلبيه لكل ام وكل بنت وكل قلب حنين عايش يعطى بالود والمحبه
مش مهم تكون ام ..المهم يتوافر فيك صفة الامومة فالامومه صبر ومرحمه فكن كذلك
اتمنى ايامكم كلها فرحه وحب وود
بسوووومه
ردحذفوالله ياريت الكلمات دى تتغنى فى اغنيه جميله رقيقه كده زيك
عجبتبنى اوى يابسومه
وكل سنه وكل ام بخير وصحه وسلامه
تحياتى لكلماتك العطره
ربنا يخليكى ياقمر ولا يحرمنى زوقك وتواصلك الغالى
حذفتسلميلى حبيبتى نورتى .. كل الود
كل سنة وكل ام طيبة ومبروك ع الدهان
ردحذفكل سنة وكلنا بالف خير متهنين وسط اسرتنا الكبيرة والصغيرة
حذفنورتنى تركيب ياكل الزوق
كل لحظه وانتى بخير وسعاده
ردحذفكل لحظه وكل ام بصحه وخير على فكره مره كانت امى بتتكرم فى حفل الامهات المثاليات اللى اقامته احدى المولات الكبيره وقولت يومها كلمه ان الام مش هى الى تحمل وتنجب انما الام دورها من اول يوم الطفل بيكون فيه على الارض وعشان كده هتلاقى ناس لا حملت ولا انجبت وعندهم كميه من المشاعر تكفى العالم كله
وان كنت اوجه رساله لامى من مدونتك " سامحينى يا امى لنظره كنت فيها حزينه ونظرتها الى عيونك سامحينى يا امى لنبرة صوت ارتفعت فوق صوتك سامحينى يا امى كى تحلو لى الحياه
عندى نصيحه ضغننه خالص مالص خلفية المدونه مبهجه بس ممكن تخلى الكتابه بحكم اكبر شويه ويكون اللون غامق شويه ....
ربنا يديم عليكى الصحه والخير
الغاليه زهراء
حذفاهلا بتواصلك الغالى .. ميرسى ياقلبى على زوقك وعلى فكرة انا غيرت الالوان بناء على طلبك تسلميى
كل الود ياقمر نورتينى
ردحذفthx
شركه تنظيف
كل عام وكل أمهاتنا بخير وربنا يبارك فى أعمارهم ويرحم من إنتقل لربه
ردحذفويرزقهم الرحمة كما ربونا ونحن صغار
"وقل ربى إرحمهما كما ربيانى صغيرا"
تحياتى على الكلمات الجميلة والرائعه
تحياتى أختى العزيزة
اهلا بك جمال .. كم يسعدنى مرورك الغالى وطيب كلماتك
حذفكل الود اخى
بحبك يا امى
ردحذفــــــــــــــــــ
يا امى
كل عيد وانتى طيبه
كل يوم بالف خير
فى الحياه تبقى قريبه
ياللى ايمانك كبير
انا بيكى حياتى فرحه
بلمحبه تملى طارحه
ولا مره كنتى جارحه
ياللى حضنك كله خير
بدعى ليكى يا قلب قلبى
تفضلى عمرى معاى
دانتى حلمى وانتى حبى
اللى فات واللى جاى
انتى امى وكل ناسى
جزمتك تشيلها راسى
ولاعمرى هبقا ناسى
ان انتى خير يا امى
انتى بستان المحبه
علمتينى حبه حبه
خدى ايدى بين ايديكى
حملى كله كان عليكى
انتى علمتينى امشى
علمتينى اول كلام
مهما اروح فى الدنيا وامشى
هو ده اساس العلام
كل ده خيرك يا امى
وعمره ما فيوم اتغير
ــــــــــــــــــــــ
امى كلمه
مش مهم ازاى اقولها
ولا وصفى ليها ايه
انا موجه بين بحورها
امى حضن ارتاح عليه
امى شجره طارحه حب
جوه منها ارق قلب
امى بحر ملوش حدود
امى صدق فى دنيا كدب
امى خير ملوهش اخر
طول ما قاعده تقول يارب
ياما طبطبت ودادت
من شقاوتى ياما شافت
انا افرح هى تفرح
لما بحزن هى تبكى
لما تنده ليا اشوح
عمرها ما كانت بتشكى
كل حاجه كانت تسامح
امى رمز للوفاء
كل عمرها خير وطارح
امى نبع للعطاء
امى بحر كل خير
قلب امى اكبر كتير
من كلامى عن حنانها
عن محبتها وامانها
عن حياتها اللى عاشتها
بس ليا انا وصغير
ــــــــــــــــــــ
امى حلم
فى الحياه ملوش نهايه
امى ياما كانت عشانى
من زمان م البدايه
هى بس كانت امانى
علمتنى اخطى خطوتى
لما كنت لسه بحبى
امى هى كل دنيتى
امى هى نبض قلبى
امى لما كنت بحزن
قبل منى كانت بتبكى
جوه حضنها بس اسكن
ولامره كانت بتشكى
ياما كنت عليها بقسا
وهى ياما كانت تسامح
تعدى اخطائى وتنسى
وانا برضه كنت جارح
عمرها ما قالت خلاص
ليا هى كانت خلاص
امى ليا كل حاجه
فى الحياه هى الاساس
هى ديما حضن دافى
حضن واحد بس كافى
ان بيه اعيش حياه
عمر تانى فى الحياه
حضن امى دنيا تانى
عمرها ما بتتغير
ــــــــــــــــــ
امى ايه
امى نجمه ولا قمره ولا شمس
امى يومى وامى بكره
وامى هى احلى امس
امى هى كل حاجه
واحلى حاجه
امى مش محتاجه منى اى حاجه
عايزه بس تشوفنى بضحك
عايزه بس تشوفنى بفرح
لما بضحك هى تضحك
لما بتبصلى تسرح
طب ياترى تفكيرها ايه
عايزانى ابقا فوق
واوصل للسعاده
عايزه من الخير ادوق
ديما عايزه الذياده
امى دى بحر خير
امى قلبه كبير
حتى بعد ما شعرى شاب
لسه شيفانى صغير
حبها عمره ما غاب
ولا لحظه ليا اتغير
شيفانى لسه نونو
عليا خوفها هو هو
لسه بلعب لس بحبى
امى عايشه فى قلبى جوه
مع انى خلاص كبرت
بس عينها بتراقبنى
اصل بعد ما انا خلفت
شايفه ابنها جوه ابنى
بحبك يا امى
ــــــــــــــــــ
احمد
تقبلى الاضافه البسيطه
كل الاحترام لكى
ــــــــــــــــــــــــ
تسلمى ويسلم ما كتبتى من الكلام الجميل