السبت، 21 مارس 2015

فرحى رافض يكتمل




صرخ الكلام 

طبطب على كتفى البرىء


 قال كلمتين 


مين اللى ميل ناحيتى 


هنا حبتين 


شاف الدموع وف سكتى


 مشى خطوتين 


خطى على جرحى الغويط 


وانا من بعيد 


واقف وحيد 


شايف مدار العمر 


عدى الف عام 


ولا فى المنام 


فارد شراعى 


على البحور الزرق 


طايف للسما


 بحبه بخور 


بتلف بيا والنجوم 


شاهده على فرحى


اللى رافض يكتمل


حتى الامل


 بقى مستحيل 


وسط الغيوم 


والصبر مادد له بساط


كده من سكات

اخضر بلون حلم السنين 


حتى الحنين 


مابقاش متين 


رافض يصبر دا الانين


 وانا مستجير


بنده على شمس الشموس 


يمكن تحوش 


غدر الزمن


 واهو محتمل 


افضل كده من غير فؤاد


 من الافئده


عايش لوحدى بالرضا
ايوه لوحدى بالرضا

هناك 8 تعليقات:

  1. مهما قلنا فى كلماتك أو وصفنا جمال ما تكتبين لن يكون راينا ذا مغزى بجوار اراء الشعراء فيما تكتبين
    فيكفى أن يشيد بك الشعراء
    مع تمنياتى بالتقدم الدائم

    ردحذف
    الردود
    1. الاخ الغالى جمال ابو العز

      كم يسعدنى تواصلك الراقى وطيب كلماتك .. ربى لا يحرمنى زوقك ابدا

      كل الود والاحترام

      حذف
  2. الله عليكى
    تمتعت
    أحسنتى

    ردحذف
    الردود
    1. مساء الورد عليك محمد سلامه

      نورت مدونتى بطيب كلماتك

      يارب دايما التواصل .. كل الود اخى

      حذف
  3. اه ياقلبى
    الكلمات رائعه اوى وحركت احساسى اوى يابسومه
    تعرفى انتى بجد موهوبه

    ردحذف
    الردود
    1. سلامة قلبك ياقمر

      تسلمى ويسلملى زوقك وعطر تواصلك

      كل الود حبيبتى

      حذف
  4. احلى حاجة فيكي كلماتك رغم انها عامية بس محدش بيستخدمها زييك كدة... ساعات بقول حصيلتك العامية مش ممكن ...حلوة اوووي يا قطر العامية

    ردحذف
    الردود
    1. الاخ الغالى تركيب

      ميرسى جدا لزوق كلماتك ويارب اكون دايما عند حسن ظنك

      دمت بكل خير وسعاده
      كل الود

      حذف

رأيك لو سمحت