السبت، 25 أبريل 2015

روح العصر



كل حكايه اسمعها فى بلدى 

تشد ف ضعف الكون وتهاتى 

لما ظنون الدمع تقرب

 تسرق شوق الحب ليلاتى

ناس مشتاقه لشمسة يومها تعدى اوام

وناس مظلومه تصحى همومها مع الاحلام 

راحة بال الناس مبقيتش معاها تعدى

رغمن كل وسيله بقيت براحه وكله مهدى

حتى الشوق والفرح كمان ويا المشوار

حب يسرسب حاجه شريدة مع اللى اختار

قلب وشايل هم الدنيا وراح متحير

وقلب اهو سافر ويا الريح عمال يتغير

بين القرش وبين العتمه المره اهو شارد

سابح يسرق وقت لعمره زى المارد

كله بسرعه مافيش براحه ياخلق ياهو

حتى اللحظة الرايقه تملى بقيت سرقوه

 بين الخبط وبين الوش خلاص سجنوه

روح العصر كلمه تعلق فيها كلامك

 اعمل اعمى واعمل اخرس توه ف ايامك

نبض الدنيا العاكس فى الاحوال

 صبر يعلم عمرك كله يروح  ترحال

خايفه ياناس من قلة شوقنا نغوص ف بحور

وهم وضعف وخوف ولا طاقه نور

امسك روحك عدى بصبر تعيش مستور

ايون عدى بصبر تعيش مستور


هناك 15 تعليقًا:

  1. عدى بصبر تعيش مستور
    لم يعد الصبر عند أحد كى يمر بسلام
    المواجه اصبحت الحل للسلام
    القصيدة واقعية جدا والكلمات زادت من الاحساس بمعانيها العميقه
    تحياتى شاعرتنا الجميلة

    ردحذف
    الردود
    1. جمال ابو العز
      دايما انتظر تواصلك وجميل ردك الذى يسعدنى كثيرا والله
      ربى يبارك فيك ويدوم التواصل والزوق
      كل الود اخى

      حذف
  2. والله معاكى حق يابسومه
    انتى بتحكى عن واقع حقيقى الناس عايشاه
    رائعه وابدعتى فى احساسك واسلوبك
    على فكره ليكى تاج عندى ياقمر

    ردحذف
    الردود
    1. الغاليه قمر

      ربنا يسعدك حبيبى وما انحرمش عطر كلماتك
      ميرسى للتاج وهحاول ان شاء الله اتفاعل وياه
      كل الود حبيبتى

      حذف
  3. الله عليكِ يا بسمة
    الكلمات جميلة ومعبرة جدا عن اللى بنعيشه والأسلوب كالعادة راائع وسلس بموسيقى شجية

    بجد براافو على الفكرة والكلمة والمعنى

    تحياااتى يااا مبدعة

    ردحذف
    الردود
    1. الاخ الفاضل سعيد وحشه
      بيسعدنى تواصلك وطيب كلماتك دايما
      ربنا يعزك ولا انحرم زوقك
      كل الود اخى

      حذف
  4. الله حلوه اوى
    عجبنى امتلاكك للهجه العاميه ومقدرتك على تصويل فكرتك بيها

    استمتعت جدا بكلماتك واسلوبك

    تحياتى

    ....

    ردحذف
    الردود
    1. مساء الورد عليك ميرسى لزوقك وتواصلك مع بسيط كلماتى
      اتمنى التواجد الدائم واتمنى اكون عند حسن االظن دايما
      كل الود اخى

      حذف
  5. توصيل *

    تصويب الخطأ

    ردحذف
  6. صباح الحب يا سومه
    اول مره اقرا لكى حاجه بعيده عن الرومانسيات والمشاعر والاحساسيس بس كلامك وروعة اسلوبك فى كل الاحوال رائع ما شاء الله ...
    عدى بصبر تعيش مستور ومين النهارده بقى عنده صبر يا حبى الناس كلها بقيت متعجله كل حاجه واى حاجه الصبر ده نعمه من ربنا على بعض البشر
    تحياتى لما خطه قلمك

    ردحذف
    الردود
    1. صباح ومساء الفل على عيونك زهراء
      بحب القصائد الرومانسى جدا لكن ما يمنعش التنويع حبه كده وحبه كده
      تسلميلى ولا انحرم زوقك وتواصلك الغالى .. اتمنى اكون عند حسن الظن دايما
      كل الود حبيبتى

      حذف
  7. مساء الورد
    القصيدة عفوية ببمعانيها العامية الجميلة
    تحث على فضائل وكرم الأخلاق
    احترامى

    ردحذف
    الردود
    1. مساء السعاده عليك
      ميرسى جدا لزوق كلماتك وتشريفك لمدونتى
      كل الود اخى

      حذف
  8. شعرت بصدق المعاني
    أحسنتي

    ردحذف
    الردود
    1. كل الشكر والتحايا محمد سلامه
      نورتنى والله .. كل الود

      حذف

رأيك لو سمحت