السبت، 2 مايو، 2015

عودة التاااج

هذا التاج اهداء من الاخت الغاليه قمر وليل واشكرها لزوقها جدا واتمنى انى اقدر اتواصل مع موضوع التاج بصراحه اول مرة واتمنى تكون اجاباتى ومعلوماتى سلسه بسيطة للمتابعين وشكرا لكل من مر من مدونتى المتواضعه وميرسى ياقمر لأتاحه الفرصه الجميله دى ليا والشكر موصول قبلها للاستاذ جمال ابو العزصاحب اول تاج.

1/ ﻣﺎﺫﺍ ﺗﻤﺜﻞ ﻟﻚ ﻣﺪﻭﻧﺘﻚ ؟
مدونتى هى متنفسى لنقل مشاعرى الخاصه بالعاميه المصرية واحسبنى شاعرة للعاميه .. ومبسوطة جدا لانى اتعرفت من خلالها على اخووه واخوات فى قمة الذوق والادب ربنا يديم الود بينا

ﺱ2/ ﻣﺎﺫﺍ ﺗﻤﺜﻞ ﻟﻚ (ﺗﻌﻠﻴﻘﺎﺕ ﺍﻟﻤﺪﻭﻧﺔ) ؟ ﻫﻞ ﻫﻰ ﺃﺳﺎﺳﻴﺔ ﺃﻡ ﺗﻜﻤﻴﻠﻴﺔ ﻓﻰ ﻭﺟﻬﺔ ﻧﻈﺮﻙ ؟
التعليقات عندى هى التقويم الاساسى لكتاباتى .. ومن خلالها التعارف بيكون جميل بين اصحاب المدونات وفلسفتهم المختلفه .

ﺱ3/ ﻫﻞ ﺃﺭﺩﺕ ﻳﻮﻣﺎ ﺃﻥ ﺗﻜﺘﺐ ﻓﻰ ﺷﺊ ﻭﺧﺠﻠﺖ ﻣﻨﻪ ؟ ﻣﺎ ﻫﻮ ﺇﻥ ﻛﺎﻥ ﻳﻤﻜﻨﻚ ﺫﻛﺮﻩ ؟
بصراحه كتاباتى الرومانسيه وما اكثرها كنت من النوع الى بيخجل كثير فى نشرها من خلال المنتديات الادبيه اللى كنت بنتمى لها او على الفيس .انما مدونتى لقيت متنفس جميل علشان اكتب الرومانسية براحتى , وطبعا دا علشان طابعنا الشرقى ونظرة الاخرين للانثى وانها لو مجرد انها كتبت رومنسى يبقى علشان عايشة نفس التجربة ودا مش صح فى كثيرا من الاحيان لان المشاعر موجوده والاحاسيس كمان والشاعر بيحب يعبر بسرعه بقلمه عن ما يجول بالخواطر

ﺱ4/ ﻫﻞ ﻛﺘﺒﺖ ﺷﻴﺌﺎ ﺣﺪﺙ ﻟﻚ ﻭﻟﻜﻦ ﺑﺄﺳﻠﻮﺏ ﺗﻮﺭﻳﺔ ﺃﻯ ﻟﻢ ﺗﺬﻛﺮ ﺃﻧﻪ ﺃﻧﺖ ؟ ﻭﻫﻞ ﻛﻨﺖ ﺳﻌﻴﺪ ﺑﺎﻟﺘﻌﻠﻴﻘﺎﺕ ﻋﻠﻴﻪ ﺃﻡ ﻻ‌؟
اكيد حصل كثيرا وخصوصا فى قصايدى الذاتيه اللى بتتكلم عن نفسى بتكون حقيقة بتعبر عن مشاعر وقتيه ,انا بسعد بكل تعليقات اخوانى واخواتى ويارب دايما .

  5/ ﺃﻛﺜﺮ ﺷﺊ ﻳﺴﻌﺪﻙ ﻓﻰ ﻋﺎﻟﻢ ﺍﻟﺘﺪﻭﻳﻦ ؟ ﻭﺃﻛﺜﺮ ﻣﺎ ﻳﺤﺰﻧﻚ ﻓﻴﻪ ؟
عالم جميل يجمع بين الاخوة والاصدقاء وبين فلسفتهم الشخصية والاطروحات الراقية .. والعيب اللى فيه فعلا انشغال البعض الا ما رحم ربى فى الفيس وهجر التدوين .. وياريت نعمل حاجه جماعيه زى مووضع التاج كده ويتبناه احد الشباب للدعوه من خلال المدونات او الفيس لعودة الجميع لمدوناتهم سالمين ياريت اتمناها بجد

ﺱ6/ ﻗﻢ ﺑﻌﻤﻞ ﺇﺷﺎﺭﺓ ﻟﺨﻤﺲ ﻣﻮﺿﻮﻋﺎﺕ ﻗﺪﻳﻤﺔ ﻋﻠﻰ ﺍﻷ‌ﻗﻞ ﻓﻰ ﻣﺪﻭﻧﺘﻚ ﺗﺮﻳﺪ ﺇﺣﻴﺎﺋﻬﺎ ﻣﻦ ﺟﺪﻳﺪ ؟
اوقات كتير بعمل كده فعلا لبعض قصايدى المحببه الى نفسى او فازت فى بعض المسابقات الشعرية

       ﺱ7/ ﻧﺼﻴﺤﺔ ﺃﻭ ﻛﻠﻤﺔ ﻣﻮﺟﺰﺓ ﺗﺮﻳﺪ ﺃﻥ ﺗﻘﻮﻟﻬﺎ ﺑﺨﺼﻮﺹ ﺃﻯ ﺷﺊ ؟
مااجمل الثقه فى الله والتعايش مع اى الم تعيشه بالرضا والامل فى بكره


س8/موضوعات كتبتها وندمت على كتابتها؟
لا مافيش بتهيالى اى قصيده كتبتها وندمت لانها بتكون احاسيس ومشاعر وقتيه بعبر فيها عما يجول بالخاطر مش اكتر


س9/لمن تهدى هذا التاج؟
مش عاوزة احس انى بتقل على اى من اخوانى او اخواتى بس اتمنى ارسلها ل:
زهراء ,تركيب ,سعيد وحشه . محمد سلامه


كل الشكر لمتابعين مدونتى الكرام واتنمى انى اكون نجحت فى الاجابات ياقمر مساء الفل عليكم

هناك 16 تعليقًا:

  1. مسا الورد والسعاده على أرق سومه في الوجود
    عاوزه اقولك ان حروفك تنساب منها الرومانسيه مش عارفه ازاي بس عن جد طول فترة قراءتي للتاج مبتسمه من كلامك وحاسه اني فعلا باقرا كلام رومانسي
    ما شاء الله عليكي رائعه حتى في كلامك العادي
    بالنسبه بقى لموضوع أن بنت هي اللي بتتكلم عن الحب والمشاعر يا حبي انتي بتتكلمي بكل أدب ورقه وذوق وبالنسبة لمن يظن انك عايشه تجربه تحكي عنها دعى لهم إثم ما يظنون.....
    منذ فتره كنت قد كتبت جمله فيما تعني
    حينما اكتب عن الحب فإنهم يظنون أنني أتحدث عن رجل في حياتي و قد نسوا ان الحب هو الأب والأم والأخوات.... الحب هو الحياه والحياه بالنسبة لي ليست رجل

    أن شاء الله انقل التاج في اقرب وقت
    اضم صوتي إلى صوتك ياريت نعمل حاجه زي التاج تجمعنا من تانى
    كل الدعوات الصادقه أن يهب الله لكي السعاده والخير

    ردحذف
    الردود
    1. الاخت الغاليه زهراء

      اهلا بتواصلك الغالى مع بسيط كلماتى والله انا سعيده جدا بردك الشفيف
      ربى لا يحرمنى تواصلك ولا زوقك .. وجميل اوى ما اضفتى
      كل الود والحب لكى غاليتى .. مساء الورد

      حذف
  2. بسومه حبيبتى
    الشاعره الرقيقه الحالمه
    انا اللى اشكرك جدا على قبولك للتاج
    واجاباتك صريحه وواضحه جدا زيك يابسومه
    انا معاكى ان موضوع الاشعار الرومانسيه كتير بيتفهم غلط بسبب طبيعه مجتمعنا وتفكير بعض الناس
    انا عانيت فتره من الموضوع ده عشان كده حاسه بيكى اوى
    لكن احسن شىء اننا نضرب بكلام الناس دى عرض الحائط ونكتب بطبيعتنا ونتصرف بعفويتنا
    جميله اوى النصيحه الغاليه قد ايه انتى جميله يابسومه
    بشكرك مره تانيه حبيبتى
    سعيده اوى بمرورى ووجودى هنا

    ردحذف
    الردود
    1. الاخت الغاليه قمر وليل

      منورانى دايما بزوق كلماتك ورقتك ميرسى حبيبتى

      واكيد انا بقيت اكتب رومانسى براحتى اهو ههههه ومن اجمل كتاباتى اكيد
      تسلملى لزوقك وتواصلك حبيبتى .. كل الود

      حذف
  3. الاستاذ ابتسام
    التاج جميل ورودودك اعطت للتاج رونق
    وبعدا جديدا وزخما ممتعاً

    تحياتى

    ..........

    ردحذف
    الردود
    1. ربنا يعزك ولا انحرم تواصلك الغالى اخى الفاضل
      كل الود لزوقك وتشريفك المدونة .. مودتى

      حذف
  4. ما أجمل الكلمات عندما يتحدث بها الشعراء
    شكرا ليكى على كل قصيدة متعتينا بيها
    وشكرا ليكى على كلمة كلمة تعد مواساه للنفس
    وشكرا لكى على كل معنى أبدعتى فيه وإستطعتى بطريقه بسيطه إيصاله
    وشكرا لكى على الإشاره الى أعتز بيها جدا جدا جدا
    والنقطه الى أثارت غنتباهى فى غجباتك الجميلة موضوع كتابة الشعر الرومانسى من فتاه
    من ينظر للفتاه التى تكتب رومانسية أنها لا بد تمر بتجربة فنظرته قاصره فليس كل من يغنى يحب او كل من يرسم يحب شخص من يرسمه
    هى فقط حب الكلمات والتعبير بها
    وفقك الله لما يحبه ويرضاه
    وأتمنى من الله أن لا يحرمنا إبدعاتك شاعرتنا الجميلة إبتسام
    مودتى وإحترامى

    ردحذف
    الردود
    1. الاخ الفاضل جمال ابو العز
      دايما ما انتظر تواصلك الغالى وجميل كلماتك
      ميرسى اولا على ثنائك الجميل لى ويارب اكون عند حسن الظن دايما
      واضافتك راقيه جدا لموضوع الرومانسية بالنسبه للانثى العربيه
      والله لا اخفيك سرا انى تعرضت مره لكلام محرج ومش من اى شخص لا والله كان دكتور محترم غايه الاحترام جرحنى بكلمات شكك على صفحته فى نزاهه الانثى عندما تنتمى الى طائفه ادبيه مثل الشعر وعن تصرفاتها وكلامها . بصراحه رديت عليه على نفس صفحته ان الكويس والوحش مش بالضرورة يكون فى طائفه بعينها ممكن تكون من المثقفين وتفكيرها خاطىء ,, والله بعدها اصبح من اشد المعجبيبن بما اقدم
      والحمد لله .. ربنا يهدينا جميعا لما يحب ويرضا
      المهم نورتنى واسعدتنى كلماتك .. كل الود

      حذف
  5. صديقتى الغالية ابتسام
    شاعرتنا الأبية وشاعرة الرومانسية
    ردودك راائعة وجميلة وموضوعية .. رددت فى مدونة قمر التدوين على هذا التاج بعجالة وكان الوقت لا يسعفنى ... ولكنكِ قلتى ما كنت أريده مع الاختلاف القليل

    شكراا على الأهداء يا بسمة الورد والأشعار الرقيقة
    دمتِ بخير يارب

    ردحذف
    الردود
    1. مساء الفل عليك اخى الفاضل سعيد وحشه

      كل الشكر والتحايا لزوقك وتواصلك الراقى يارب ما انحرم ابدا

      كل الود اخى

      حذف
  6. قد تكون أشعارى بالعامية قليلة جدا أو نادرة
    ولكنى أعشق الشعر العامي وأراه يصل القلوب بسرعه وسهوله ويعبر أكثر
    وأشعارك مفضلة عندى

    ربنا يوفقك أختى الغالية
    صباحك خير وسعادة وهنا

    ردحذف
    الردود
    1. تسلم ياسعيد كلك زوق والله
      بيسعدنى رايك كتير يارب اكون عند حسن الظن ..
      كل الود

      حذف
  7. السلام عليكم
    أولاً كلماتك الراقية يشعر بها كل من ملك قلباً
    ثانياً أنا تفاجأت :)
    معقولة فيه حد افتكرني :)
    متشكر جدا وإن شاء الله أنفذها قريباً
    أحسنتى

    ردحذف
  8. عليكم السلام والرحمه
    تسلم يامحمد كلك زوق والله
    يومك سعيد ان شاء الله

    ردحذف
  9. التاج ده عرفنا اشياء جديدة عنك
    لم تفصح عنها كتاباتك المتنوعة

    من نجاح لنجاح يارب

    ردحذف
  10. ربنا يسعدك .. نورتنى بزوقك والله
    كل الود اخى

    ردحذف

رأيك لو سمحت