السبت، 23 مايو، 2015

بعيش فرحه




يااحلى كلام مع الايام

 رسملى فى الهوى قصه

يقول ويعيد بأحلى وعيد

 ورمش العين مايتوصى

رسمتك شوق

 وف عيون الامل وبدوق

سعاده وفرح بالرصه

يااجمل حلم ف عيونى

وف جبينى لهواك مرسه

على خدودى

 وفوق عودى

بتتمايل 200 فرحه

بتنهيد السهر والليل

 وبالمواويل

بتحلى عيونى  واهى شرحه

بغنوايه معدية وف ايديا

بأحضن زهر ايامى واحلامى المنديه

وبغزل م الهوى مركب

وافجر زهرى واسرسب

ف ازهارى ولجل الحب ماهدارى

واقولها ف قلب مشوارى

 انا لجلك بعيش فرحه
انا لجلك بعيش فرحه

هناك 8 تعليقات:

  1. مسا الرقه والسعاده على عيون سومه
    انا لجلك حبيت الشعر واااااااو روعه يا قمر ايه الاحساس ده كله
    عن جد بانتظر كلماتك الرقيقه الرائعه
    بلاش غياب علينا

    ردحذف
    الردود
    1. مساء الفل على عيونك يااجمل زهراء
      بصراحة بقيت استنى ردك وتواصلك الغالى جدا وبقى بيسعدنى كتير
      ربنا مايحرمنى زوقك ورقة كلماتك حبيبتى .. على فكرة انا اتعودت انشر كل سبت علشان مش ابقى تقيله عليكم تسلميلى يارب
      كل الود غاليتى

      حذف
  2. يعنى اقول ايه بس فى الجمال ده والموسيقى الراائعة
    سنفونية جميلة عذبة وكلمات تفوح بالعبير
    رااائعة وأكثر يا شاعرتنا الراقية

    وزى ما قالت زهرة التدوين زهرااء بلاش غياب
    مسموحلك بكل يوم قصيدة واليوم اللى متنشريش فيه هتبقى فيه عقوباات كبيرة جدااا ههههههههه


    ربنا يخليكِ لناا يا سومة
    دمتِ مبدعة ومتألقة
    تحياتى

    ردحذف
    الردود
    1. مساء الفل عليك ياسعيد
      تسلم يارب ومنحرمش زوقك وتواصلك الغالى ..
      والله مابغيب اهو ربنا يخليكم ليا يااجمل اصدقاء
      كل الود اخى

      حذف
  3. لا استطيع عزل عنوان التص عن حروفة عن الصورة المرفقة ، فالثلاثة يعطينا انطباع حقيقي عن التجربة الشعرية في النص ، يزيد الفرحة تلك الاحرف النابضة المتكاملة من حيث المعني والموسيقي والفرحة ، فادركنا تماما اي فرحة تتحدث عنها مبدعتنا ، واي ابداع هذا الذي يتعدي حدود المنطق واي منطق ليولد براكين من الفرحة

    تحياتي

    ردحذف
    الردود
    1. ميرسى جدا لزوق كلماتك وثنائك الجميل على قصيدتى ومحتواها
      ربنا يعزك ويارب اكون دايما عند حسن الظن .. ميرسى اوى
      كل الود ويدوم التواصل

      حذف
  4. يارب كلنا نعيش اجمل فرحه فى عمرنا وربنا مايحرمنا ابدا من فرحه الحب
    جميله كلماتك رقيقه اوى عجبنى الحب الجميل اللى بين حروفك
    ولمسته أوى
    تحياتى ليكى ولاجمل كلمات

    ردحذف
    الردود
    1. اللهم امين يارب كل ايامنا كلنا فرحه وحب وسعاده
      تسلمى يااحلى قمر بيسعدنى كلامك ورقته والله
      يارب دايما موجوده ومنورة المدونة حبيبتى
      كل الود مساؤك فرحه

      حذف

رأيك لو سمحت