الأحد، 18 أكتوبر، 2015

نسيان





املى اللى طارح

ف الجناين ع الشجر

عشش ف غصنه عصفورين 

ودا من يومين

رايحين يغازلم ف القمر

سرقوا غناوى المشتاقين

من وسط حبه م الثمر

ياقلبى سيبك م القسى

بكره النهار 

راجع يضوى على المداين

بالسحر

فارد جناحه المضمومين

حب وسمر

يحكى حكاوى المظلومين

ع الى غدر

يوم ما القلوب

قالت كلامها للسهر

ونسيت خلاص ولا فيه خلاص

غير لما تهجر عشها

ويا ظنونها وبختها

غدر الحبيب صادم يعيد

وجع الاحبه ف قلبها ....

هناك 6 تعليقات:

  1. ياه يابسومه
    قد ايه كان.وحشانى كلماتك
    ورقه حروفك واحساسك الجميل
    جميل البوست اوى وجميل اوى الصور الخياليه الرقيقه دى
    تسلم اديكى
    دايما متميزه

    ردحذف
    الردود
    1. وانتى كمان وحشنى تواجدك العطر جدا

      تسلميلى ويسلم كلامك ياقمر

      كل الود حبيبتى

      حذف
  2. مسا الفل على الشاعرة الرقيقه
    فينك يا ست الكل كل ده غياب عننا.... الكلام روعه والاحساس أروع انتي عارفة انتي قرأت عنوان البوست نيسان وليس نسيان قولت هي سومه بتتكلم عن شهر أبريل لأنه على ما اتذكر هو اللي اسمه نيسان.... لما قرأت سرحت في الكلام وتخيلت منظر العصفورين وتخيلت المشهد واقولك اني تخيلت انك كتبتي البوست بورقه وقلم وقعدتي تغمضي عيونك وتسرحي وبعدين نقلتيه لنا في المدونه..... معلش الخيال اليومين دول شغال...... تسلمي ويسلم قلمك وحروفك وربنا ما يحرمنا منك

    ردحذف
    الردود
    1. مساء الجمال والود زهراء حبيبتى
      تسلميلى يارب ولا انحرمش من تواجدك الغالى بين احرفى المتواضعه
      تسلميلى ياقمر كل الحب لكى

      حذف
  3. الإبداع فى الكلمات دليل على إبداع القلم
    والإثنين دليل على إبداع الشاعر
    كلمات جميلة من شاعرتنا الجميلة

    رايحين يغازلم ف القمر

    ( اعتقد إنها يغازل وممكن يكون خطأ كتابى )

    ردحذف
  4. اهلا بالاخ الغالى جمال ابو العز
    بسعد كتير بتواصلك الراقى وطيب الكلمات
    ميرسى اوى على ثنائك ويارب اكون عند حسن الظن دايما
    رايحين يغازلوم ف القمر عايده على العصافير مقصوده يعنى
    نورتنى والله .. كل الود

    ردحذف

رأيك لو سمحت