الأحد، 25 أكتوبر، 2015

نسيتك



نسيتك ياحبيب عمرى

 نسيت ايامى من بدرى 

رويت الزهر جوايا

 زرعت الفجر فى هوايا

 وقلت افرح واتهنى 

اشيل الحزن واتمنى

وكنت الفرح لاحلامى

 ونبعه داساقى ايامى 

فطرحت شجره ف منامى

 وفرع الشهد قدامى

 قطفت نبتته بايدى

وكان اليوم ده يوم عيدى

 وروحى الحلوة سهرايه

 تضوى الحسن ف سمايا

 وبشموس الامل لخضر 

لقيت احلامى تتمخطر 

مابين حضنك وبحنينك 

شكيت ايامى لسنينك

ياغرس الغدر ياقاسى

خلعت حنينى وبفاسى

بتنهيده بعزم الشوق

 لقيتنى بموت

 ف لحظه بفوق

على خداع

 للحروف زايف

 بخطى قنايه وانا شايف

جراحى دمها حراق

بتدبح دمعة المشتاق

فقلت خلاص انا نسيتك 

وغرقت الامل بفراق

هناك 6 تعليقات:

  1. الحمد لله أول تعليق
    والقصيدة هى وردة تضاف لبوكيه ورودك الجميلة
    مودتى وإحترامى

    ردحذف
    الردود
    1. دايما منورنى ياجمال
      ربى يسعد اوقاتك ولا انحرمش زوق كلماتك يارب
      كل الود اخى

      حذف
  2. جميله اوى وقويه يابسومه
    ﻷاسف محدش بيتعلم ببلاش ومحدش بيخرج من التجارب من غير اوجاع
    احيانا بنقابل الناس الخطأ فى الوقت الخطأ
    لكن المهم اننا نفدر نعالج ده ومنخسرش نفسنا

    ردحذف
    الردود
    1. كلامك صح ياقمر الانسان لازم يتعلم من تجارب حياته ويصلح من احواله
      تسلميلى حبيبتى ميرسى للتواصل
      كل الود

      حذف
  3. مشاعر طاغية
    وكلمات معبرة

    ردحذف
  4. جامدة يا قطر....تحياتي

    ردحذف

رأيك لو سمحت