السبت، 30 مايو 2015

ف الخيال



اه ياسلام لو يوم سرحت

 وف الخيال

وقلت اشوف وياك امل

واسرق حياه ومن غير تعب

وسرحت نوبه وقلت هقدر

 اخطفك

جوايا نبع ونور بشايره

 تحلفك

تسبق نجومى وسكتى

اغزل بحبك دنيتى

تعشق ترفرف الف كلمه

 بشمعنا

تشعل وتنسج شوق شفايفه

 مسلمه

واسمع رنين العود يدغدغ ف الخيال

سحر المحبه المستبده بالامال

واسرح اقولها بقلب عايش سكتك

اااه ياسلام

لو يوم غرقت ف دنيتك
ــــــــــــــــــــــــــــــــــــــ

هناك 6 تعليقات:

  1. اه يا سلااااام على الخيال بو يبقى واقع ..........
    مسا السعاده والسكر الزياده على الرقيقه سومه
    اعصابى بااظت من الكلام الحلو اعمل فيكى ايييييييييييييه ههههههههههههه ما شاء الله على الخيال والصوره الشعريه الرائعه
    بصى بقى هو فى كلمه انا مش فهمت معناها او يمكن غلطه كيبورديه " واسمع رنين العود يدغذغ ف الخيال

    واسمع رنين العود يدغذغ ........... مش فاهمه معناها ايه الكلمه اللى بعد العود على فكره انا ضعيفه فعلا فى العربى ده مش هزار اعذرى جهلى بجد

    دام تالقك وابداعاتك

    ردحذف
    الردود
    1. مساء الفل على عيونك زهراء
      اولا انا بقيت بستنى ردك بفارغ الصبر علشان اعرف رايك فى كلماتى البسيطة تسلمى حبيبتى على رايك بتسعدينى ربنا يسعد قلبك
      ثانيا تعالى نشرح بقى بس بالعاميه انا بتاعه عاميه هههههههه كلمه يدغدغ بالدال غلطة كيبورديه فعلا كتبتها غ ... الكلمه بمعنى يكسر .. وانا هنا بقصد بيها يدوب رنين العود يدغدغ فى الخيال .. شايفه الجمال ههههههه بيقولوا ايه : الكلام الحلو يدغدغ المشاعر اى يدوبها ويكسرها ها وصلت ؟؟ ههههه ميرسى للملاحظة حبيبتى
      مساء الفل على عيونك ياقمر .. نورتينى والله

      حذف
  2. اه يا سلام
    عالكلام الرومنسى والاحلام
    وياسلام عالخيال بيحلى فعلا مرار الأيام
    جميله جميله جميله جميله
    كلمات منعشه للروح اوى
    شكرا لقلمك وشكرا لاحساسك الجميل ده اللى بيعيشنا فى لحظات من الخيال الرائع اللى دايما نتمناه
    تحياتى لاجمل وارق واحلى بسومه

    ردحذف
    الردود
    1. مساء الفل عليكى ياقمر
      تسلمى حبيبتى ويسلملى مرورك الغالى .. بيتسعدينى كتير والله
      يارب ما انحرم زوقك ووجودك ابدا
      كل الود والحب غاليتى

      حذف
  3. حقا انه التميز
    بدأتي النص بالتمني وانهيتيه بالتمني وبين البداية والنهاية عايشنا الحقيقة مكتمله
    تماما كقول صلاح جاهين ( بوسة ونغمض وياللا ) فهو صبغ الحياه باللون البمبي وانتي لونتيها بالربيع والفرحة
    النور والنجوم والشوق والعشق ورنين العود مفردات تخرجنا من أطر الخيال ومراتب التمني الي الحقائق التي تتواري خجلا

    انت دائما خارج المنافسة
    تحياتي

    ردحذف
    الردود
    1. شرح راقى وتوضيخ لبسيط كلماتى .. ربنا يعزك ولا انحرمش زوقك ابدا
      يدوم التواصل وطيب الكلمات
      كل الود اخى .. اسعد الله ايامك بكل خير وسعاده

      حذف

رأيك لو سمحت