السبت، 9 مايو 2015

حلم


حلم وبرىء

طول عمره طاير ف السما

يغزل غناوى المشتاقين

من وسط كلمه حنينه

سايب ايديه

لجلن ما يحمى ضهرنا

شايل على كتافه الضنا

شايل دموع اللى انكوى

حلم وجالب دمعته

م اللى انطوى

راجع اكيد هيقول يعيد 

من وسط شمعه اللى استوى

مر ومرار ولا فيه انتظار

غير لما يسكت يختفى

صوت اللى صار ويا غروره 

وينطفى

يمكن صبايا عمرنا 

تقدر تطول 

امله اللى ظاهر فجر طارح

ف الشروق

بكل الفروق يظهر يدوق

طعم المحبه ف قلبنا

ماهو لجلنا راجع يغنى حلمنا 

ف وسط السما ..........

هناك 14 تعليقًا:

  1. موسيقى عذبه جميلة
    وحلم راائع نقي وصاقي
    من قلب يملأه العطاء




    الله عليكِ يا بسمة الورد

    ردحذف
    الردود
    1. ربنا يعزك ياسعيد كلك زوق والله

      بيسعدنى وجودك وطيب كلماتك .. يارب دايما
      كل الود

      حذف
  2. جميله جدا

    سلمتِ


    تحياتى

    ردحذف
    الردود
    1. الاجمل تواصلك وزوق والله اخ ممكن

      كل الود مساء الورد عليك

      حذف
  3. كثرت الاحلام وقل تحقيقها
    فقط نحلم لكى لا نموت
    كلمات رائعه كالعادة شاعرتنا الجميلة
    فهى تمس القلوب لان كلنا يحلم
    تحياتى ومودتى وإحترامى

    ردحذف
    الردود
    1. الاخ العالى جمال ابو العز

      ميرسى للاضافه الجميله وعطر المرور

      تسلم ولا ننحرم زوقك ابدا ... كل الود

      حذف
  4. مسا السعاده على ارق سومه
    ايه يا بنتى الكلام الحلو ده ..... ما شاء الله روعه بجد تصدقى انا حبيت الشعر عشان خاطرك او بمعنى ادق حبيت الشعر بسببك
    حروفك بتنطق لوحدها وكمان الطريقه اللى تكتبى بها هى طريقة النطق وده شئ بيسهل علينا القراءه
    مش عاوزه اقول اى حاجه غير روعه تحفه ما شاء الله

    ردحذف
    الردود
    1. مساء الورد عليكى يازهراء

      بيسعدنى دايما كلامك الرقيق وتواصلك الغالى والله ربنا يسعدك زى ما بتسعدى قلبى بزوقك

      اتمنى اكون عند حسن الظن دايما حبيبتى

      كل الود

      حذف
  5. رائعة يا ابتسام :)
    أحسنتي

    ردحذف
    الردود
    1. ربنا يعزك يامحمد كلك زوق

      كل الود ... يدوم التواجد

      حذف
  6. دايما بعشق كلامك
    لانه بياخدنى لعالم تانى
    جميله جميله جميله

    ردحذف
    الردود
    1. وانا دايما بعشق ردك وتواصلك الجميل

      تسلمى ياقمر كلك زوق والله مساء الورد حبيبتى

      حذف
  7. كالعادة
    ابداع خارج المنافسة
    باقة جميلة من الافكار والمعاني والحروف لا يستطيع تنسيقها إلا أنت

    تحياتي

    ردحذف
  8. الاخ الفاضل حاول تفتكرنى

    اهلا بيك نورت المدونة بيسعدنى اكيد رايك

    يارب دايما ... كل الود اخى

    ردحذف

رأيك لو سمحت