الثلاثاء، 19 يناير 2016

انسان


كما الفرحه وبتمنى

اكون انسان

اشيل العتمة من روحى

مافيش حرمان

احس القسمه سحبانى ووخدانى

ف كل اوان

تحدد بالرصاص رسمى

ولون الحرف من اسمى

كما الاغصان

اشوف البسمه مجروحة

وتتمنى تدوم بسلام

اقول يمكن هيتهجى وف حرفى

حنين فنان

يصبر قلبى وشروحى

يفسرها بكل امان

وبكره برضو مستنى

اقول واصرخها واغنى

يافجر النور انا عايش وبندهلك

تعالى اوام

ترد الفرحه واكونلك ورود بستان

وتبقى الشمس بتنور

ف كل مكان

وساعتها اقولها من قلبى

انا انسان
ـــــــــــــــــــــــــــــــ

هناك 11 تعليقًا:

  1. ساعتها اقولها من قلبى انا انسان
    جميله كلماتك يا استاذه
    احنا فى زمن انقرضت فيه الانسانيه



    ردحذف
    الردود
    1. حقيقى كلامك يااحمد لكن لسه فيه امل طالما فيه بكرة وفجر ايام جديده هيبقى فيه انسان بجد ان شاء الله ... مساء الورد عليك

      حذف
  2. موسيقية جدا
    خفيفة جدا

    لكنها هامسة بهدوء وابتسام في كل أذن تُريد ان تسمع .

    دام حضوركم اختنا ودام حرفكم الرقيق القريب :)

    ردحذف
    الردود
    1. ربنايعزك يامحمد كلك زوق دايما طابت ايامك بالفرح وكل الخير
      كل الود اخى

      حذف
  3. الله الله بجد
    حلوه اوى الروح اللى لمستها بين حروفك

    ردحذف
    الردود
    1. تسلميلى ياقمر
      بيسعدنى تواجدك الغالى ويارب دايما
      ميرسى حبيبتى

      حذف
  4. انا تعليقى راح فين بقى يا شاعرتنا الجميلة :)

    ردحذف
    الردود
    1. اهلا بيك ياجمال
      والله ياغالى مكنش فيه تعليق لك خالص حتى انا استغربت فين جمال من قصيدتى الجديدة
      يمكن بعد ما كتبته انت النت فصل وافتكرت انه وصلنى لعله خير
      وعلى العموم انت بتنورنى وتشرف مدونتى المتواضعه بزوقك وكلماتك وتعليقاتك التى تسعدنى كثيرا
      وبرضو مستنيه تعليقك على القصيده ماليش شعوه هههههه
      كل الود والاحترام

      حذف
    2. هعلق على الأخيره الاول قبل محد يسبقنى
      وبعدين أجى هنا ههههه

      حذف
    3. الإنسان يبحث عن ذاته دائما
      ويبدأ بأن يجعل من نفسه مححور الكون ويحاول أن يحقق معنى المدينة الفاضلة
      ومع الوقت بتنازل عن أحلامه واحدا تلو الأخر حتى يصل الى لا شئ فيبدأ بالبحث عن ذاته التى كان سيسير الكون من أجلها
      قد يجدها وقد تهرب منه ولكنه يعيش حياته يبحث عنها
      رائعه كالعاده شاعرتنا
      كما ان كلماتك أكثر من رائعه حقا
      وفقك الله
      تحياتى

      حذف
    4. اهلا بيك دايما ياجمال
      والله بسعد كتير بردودك الراقيه
      احسنت الكلام فقد اضفت الى كلماتى معانى واحاسيس افضل مما قدمت انا
      ربى يسعد اوقاتك بكل الخير .. منورنى دايما بزوقك
      كل الود والاحترام

      حذف

رأيك لو سمحت