ياسارق نبضتين

ياسارق نبضتين منى

غيابك صبره جننى

اداوى الروح بتنهيده

 الاقى الشوق كده قاتلنى

 ياسارق نبضتين منى

 رسمتك جوه نن العين

وشوفتك بسمه عل الخدين

 وجودك هو كل حنين

 وطيف الوجد تاه منى

 ياسارق نبضتين منى

سرقت الروح وتوهت معاك

 وقلت هسعد اكيد وياك

لكنك قاسى ليه ف هواك

 بطرفة عين تزوغ منى

 ياسارق نبضتين منى

شطوط الحلم بتمنى

وقلت ابعد ولا اتأنى

 لقيتك بحرى وسمايا

 وموجك شد ف قسايا

 خطفنى وقلت يوم اغنى

 ياسارق نبضتين منى

راح افضل جوه منك روح

اناجى القلب وقت البوح

وسعدى يكون لسعدك طوق

ساعتها الكون يفوق سنى

ياسارق نبضتين منى

انامصرى

على اسم مصر

 قلبى انكتبله دليل

 يروى عطاشا الهوا

 والروح معاه بتميل

 مكتوب علينا الصبر

 احنا ولاد النيل

 المُر من شهدنا

 صَبر غناوى الطير

 والفرح عدى اصيل

 على صوت نسيم الليل

 والنبع ف البستان

 صحى الزهور الوان

 كاتب على شوقنا وبالوجدان

 عَود خطاوى السهد

 تنشد وبالالحان

 أبدر على ايدك

 لمحه من النسيان

 ابيض يافجر اليوم

 صاحى وبتنور

 وبسمة الروح

 على خدودى

 قمر صور

 راح ارسم بكرة

 وبريشة امل حانى

 تخضر نبعه

علشانك وعلشانى

 وهكتب على عودى

 انا المصرى انا الاسمر

انفاس فرحه

 بتنادى وبتدندن

 مع الغاوى

 تقول يادنيا مش ناوى

 ابوح الا بأنفاسى

 ولااقاسى على جناحك

 ولا عمرى أقول حرة

 وبالمرة

 تكون انفاس معدية

 مضوية على الفرحة

 بتصرخ لك بحزن دفين

 تكون ثابته ولا البراهين

 واحساسى يبان راسى

 وف الوجــدان اكــون انســان

 بياخــد كل نفسـه شهيـق

 وبرة الضيـق

 كأنى بحـضن الدنيــا وبضـلوعى

 بتخرج منى تنهيـده

 طيور للحـب ممـدودة

 بتفرد ف براحى حصون

 بتتهادى وتتنادى ف كل سكون

 زهور ف الروعه ايد فنان

 بتبعدنى سنين قدام

 اشوف الكون وانا وحدى

 نقسم فرحة تستنى مع الاحلام

 فتبقا سمايا بتنور ف كل مكان

 ويطلع ضوء كأنه الطوق

 يعدى غريب على جناحه

 يلم الفرحة ببراحه بضحكايه

 وبسماية تعشش شجرة جوايا

 كما الاغصان نوزعها ولا بتفيض

 مع التنهيد

 وبتنادى عليا كتير

 تتهاوى ولا العصافير

 وبحبسها وادندنها

 وبأديا تكون أفراحى

 ليا أسير ـ
ــــــــــــــــــــــــــ