السبت، 30 مارس 2013

نشوة حب

اوقات كتير

 بسرح اوى مع دنيتك


شوفت الهوى 

عناقيد


بتلاغى  نغمه ف سكتك


قلبى اللى ضيع روح هواه 


 بقى مستحيل  لو يوم يكسر غنوتك


كل اللى بقدر اعمله 

اسرح ف صوت نبضى العنيد
ودا مش بعيد

ماانت  الحبيب الغالى والروح والهوى

انت القسى والجرح منك والدوا

شاهد خلاص على قسوتك ؟

 وان يوم طلبت محبتك

 اعمل تقيل

 ولا حتى تمسح دمعتى

ولا يوم هغير لغوتى


ماهو ده الدليل

 اصل الغرام

 بعدك دا هاجر سكتى

والله حرام

 النجمه سهرانه بعيد 
عن دنيتى

 بطلب رضاها وهى تايهه ف السما

بنده عليها بنغمه جارحه للهوا

 يمكن ف يوم

 يرجعلى عمرى اللى انطوى


 حبك راح افضل اناجى فيه

 ما انت الخلاص

 والنيه انت والنوى

 لو يوم تشيل

تعبى اللى عدى على الزمن

 سارق معاه نسمايه حلوة هتحتمل

هرجع جديد


 ساكن ف بحر محبتك

 واقول واعيد 

سارح بنشوه حب


 عاشقه ... سكتك

هناك 6 تعليقات:

  1. الله ينور عليكي...خلصت فيكي كل الكلام..استاذة

    ردحذف
  2. مش هتكلم عن البوست ده ، لكن المدونة في المجمل مختلفة ، مش اي حد يقدر يكتب بالشكل ده

    بسيط ومعبر

    تحياتي

    ردحذف
  3. أوقات كتير
    بسرح فى نجمة
    فى السما
    وبكون أمير
    وهى الأميرة
    المستحيلة
    الممكنه

    ***
    أبدعت حقا يا "بسمة الورد"
    ***
    بتمنالك التوفيق
    *توفيق*


    ردحذف
  4. الاخ الفاضل تراكيب

    اهلا بتواجدك الغالى وبطيب كلماتك التى

    تسعدنى دائما ربنا يعزك ميرسى لزوقك

    دام تواصلك ..دمت بخير وسعاده

    ردحذف
  5. حاول تفتكرنى

    اهلا بتواجدك الذى اسعدنى ..

    نورت المدونة

    ويارب اكون عند حسن الظن دائما

    مودتى واحترامى

    ردحذف
  6. الشاعر الرائع توفيق

    اهلا بك وبطيب كلماتك

    اسعدنى تواصلك .. ربنى يديم التفاعل واتواصل

    مودتى واحترامى

    ردحذف

رأيك لو سمحت