نفسى

نفسى اروحله بشوقى انادى

بفرحة قلبى وهنا بودادى

بعطر النور اه ياحب الهادى

دمع حنينى عليه بينادى

اغسل روحى ويا عيونى

اصلى وادعى بحب رسولى

تغفر ليا اعيش مرتاحه

ويا الصبر سنين سباحه

رسولنا الهادى علينا ينادى

وحوض الكوثر شاهد غادى

قُرب الشوق دايما يجمعنا

بذكر النادى وربى سمعنا

صلى وقول ميت الف سلام

عليك ياحبيبنا ف كل اوان
*****************************
كل سنه وكلنا بالف خير وسلامه وربى يوعدنا
بزيارة بيته الحرام والحبيب المصطفى
سومه ....

هرجع لجنتها

القلب لما مال

 صحى هوايا جريح

ولما شوقى طال

بقيت ف حبى صريح

حبيت وقلت الله

خبينى ف عيونك

يالى هوايا معاه 

صحيتنى بجنونك

شوفت الهوى عصافير

طايره من الجنه

ولما الزمان بيميل 

تبقى الورود حنه

لها عطر كله نهار

وعيونه عشقانى

وف قرب كله

 خضار

 بسرح ف بستانى 

زهر اللمون عندى 

زاهى وبينور

صحى النعاس الوان

ف حضورنا يتغير

رجع السمار شمعه

ف جبينى يحينى
عشان ما يسرى الفرح

 ف عيونى وتجينى

وسمعت صوتك همس

دايما مدفينى

 بحيا وانا وياه 

وافرح يغنينى

القلب كله صهيل

 يدعى على عيونك

 اللى مليتنى عمار

 وجفونى بتصونك

ما تقولها من تانى

 كلمه وهاويتها

 وحلفت اروى حنان

وف قلبى  خبيتها

 لجل ما ييجى زمان 

وارجع لجنتها

قلبا قاسيا

أترى أبكيك قلبا قاسيا

فى لحظة همس قريب؟!

أم ترى أنى أغلق عن عينى

برد نسمات النحيب؟

يالوعة فى الروح باتت حانيه

إنى بدونك صرت بدرا

يسكن فى ذكرى الليل العصيب

قلت أن المراد منك أن أحتمى

والعشق عندى

أن الرياح تُقبل فى أوقات النصيب

يامن على وضح النهار بصرتنى

أصبو بشوق الهوى إليك كالغريب

وتركت طيفك فى أعين الشكوى

ومنايا منك قُرب لا يغيب
***********************
من خواطرى سومه

نسيتك

نسيتك ياحبيب عمرى

 نسيت ايامى من بدرى 

رويت الزهر جوايا

 زرعت الفجر فى هوايا

 وقلت افرح واتهنى 

اشيل الحزن واتمنى

وكنت الفرح لاحلامى

 ونبعه داساقى ايامى 

فطرحت شجره ف منامى

 وفرع الشهد قدامى

 قطفت نبتته بايدى

وكان اليوم ده يوم عيدى

 وروحى الحلوة سهرايه

 تضوى الحسن ف سمايا

 وبشموس الامل لخضر 

لقيت احلامى تتمخطر 

مابين حضنك وبحنينك 

شكيت ايامى لسنينك

ياغرس الغدر ياقاسى

خلعت حنينى وبفاسى

بتنهيده بعزم الشوق

 لقيتنى بموت

 ف لحظه بفوق

على خداع

 للحروف زايف

 بخطى قنايه وانا شايف

جراحى دمها حراق

بتدبح دمعة المشتاق

فقلت خلاص انا نسيتك 

وغرقت الامل بفراق

نسيان

املى اللى طارح

ف الجناين ع الشجر

عشش ف غصنه عصفورين 

ودا من يومين

رايحين يغازلم ف القمر

سرقوا غناوى المشتاقين

من وسط حبه م الثمر

ياقلبى سيبك م القسى

بكره النهار 

راجع يضوى على المداين

بالسحر

فارد جناحه المضمومين

حب وسمر

يحكى حكاوى المظلومين

ع الى غدر

يوم ما القلوب

قالت كلامها للسهر

ونسيت خلاص ولا فيه خلاص

غير لما تهجر عشها

ويا ظنونها وبختها

غدر الحبيب صادم يعيد

وجع الاحبه ف قلبها ....

اوقات قاسيه

 

 

اوقات قاسيه لما تعيشها

يسرح قلبك …ويدوب بِِيها

شوفت دقايق زى ساعات

وانت لوحدك عايش فيها

رغم دا كله بتستناها

لحظــة بلحظــة

وتعيــش ليهـــا

ويا الجرح اللى مسببها

ومر مرارتــه

 سارق خطوة تعز عليها

 وف لحـظتها تحـس حــــــــــلاوة

غريبــه معاهـــــا

نفسـك ترجــع يوم وياهــا

تاخد ايدك وتروح ليها

تشوف ايامك وتعيش تانى

احاسيــس صعبه ويحليهــــــــــــــا

نظــرة جميلــه ويا حبـــيــب

كـان عايــش فيـها

لحظة صدق تعيشها معــاه

وحاجة غريبه من جواة

 تملى القلب امل وحياه

شوق ومحبة وتستناه

رغم قساوة اللحظة

نعيـــــشها وبنعشـــقها

 يمكن يرجع يوم نلقــــــاه

 راجــــع تانـــى

يقـــول انا جيت بس ياريتــك

مش تنســــــــــــاه
ــــــــــــــــــــــــــــــــ

مصر بتفرح

مصر بتفرح واحنا معاها

والفرحه بتغطى سماها

بكره يامصرى تهل علينا

بشره وذكرى تبوس ف ادينا

بس تعيشها بكل امانه

احمد ربك حس لغانا

واوعك يوم تفسد ف ايامها

هى امانه خبى الامها

صلح الحال دا بايدك انت

هو ضميرك قوله ياانت

لجل ولادنا تعيش تتهنى

حب حياتك قول واتمنى

فرحة عمرنا اهى ف قنالنا
ــــــــــــــــــــــــــــــــــــــــــ
تحيا مصر .. تحيا مصر ... تحيا مصر
‫

بحبك يابلدى

مصر هتفضل غاليه علينا 

مهما هيحصل هى عنينا

 هى بلدنا وسر وجودنا

 روحنا وعرضنا ليها سلاح 

مصر لبكره وبعده كمان

ام الدنيا وكله اهو بان

مين بيصونها ومين لها خان

حبنا ليها اكيد دا فلاح

مصر ياامى وام ولادى

روحك حبك هو فؤادى

بٍصَبر وغُنى دايما بننادى

كله اهو ليكى وبالنا ارتاح

غنى يامصرى ياسابق عصرك

انت الاصلى وكله بنصرك

باعك بيعه وانت واصلك

ربك رايد لينا نجاح
ـــــــــــــــــــــــــــــــــــــــــــــــــــــــ

شهد العمر

دنيا بتغرى تحسر فينا

  يوم ورا يوم وبتسرح بينا

  بس امالنا يغير حالنا
 

  جوه شروق الشوق يحلالنا

   نجرى ونحلم بالمقسوم

  نرسم شوقنا ومن غير لوم

  بس امانه يابكره ما تيجى

 
   غير ما تبدل فكرى بعيدى ِ

  اصل انا ناوى ابوح واعبر
 

   عن احلامى وع المتقدر

   
عايشه بطيف الرضا جوايا

   
بدعى ياربى بكل هنايا

   تكون ايام العمر كفايه

  لشهد حياتى وكل ما افكر


ايوه لشهد العمر بفكر
 ـــــــــــــــــــــــــ

اللهم بلغنا رمضان

كل نجوم السما بتنادى

قرب حضن الشهر الهادى

اكتب اسمك على اعتابه

ريان واقف على ابوابه

يبدر خير الشوق بهلاله

ونهار يصرخ حب قباله

كل يوم بستنى تيجى

فرح شوق يجرى ف وريدى

شهر نفحاته الفريده

نبع نور لشهور عديدة

فجر وطارح تقوى ونور

يغزل قلبك حب شهور

30ليله بنستناها

على اعتاب العمر معاها

قرب الايام ياربى

سكن الافراح ف دربى

اشتياقى زاد وفايض

عمرى كله نوره قايد

ننسى بايامك حياتنا

تبقى صرح يقوى صوتنا

ندعى يارب تبلغه لينا

شهر الصوم نسعد وتيجينا

وارجع تانى بشوقى انادى

قرب حضن الشهر الهادى
ـــــــــــــــــــــــــــــــــــــــ
كل عام ونحن جميعا بالخير والصحه
رمضان بالخير علينا يارب

من حقى

من حقى احبك انت

واقولها بأعلى صوت

ياللى قربك بيفرق

ويايا حياه يا موت

من حقى احبك انت

 واسرح ف غرامى وافرح

ياللى الاشواق معاك

 بتنور كل مطرح

من حقى احب روحى 

واغرق وياها اقول 

انت الروح والحقيقه

 والشرح معاك يطول

من حقى تانى  تانى

ازعق ويا زمانى

 بحبك ياللى قربك 

خطى كل المعانى

من حقى والله اقولها

وارجع تانى اكررها

ولا حد يقدر ابدا

 يسرق منى قررارها

من حقى ياناس قولولى 

مين على البعد ده يقدر 

الحب فى الزمان ده

قدرنا والمقدر

انت حبيبى وملمحى 

بتحبك غصب عنك

والقرب معاك بيضوى

 فى سمايا وكله منك

من حقى احبك انت

واقولها باعلى صوت

ياللى قربك بيفرق

ويايا حياه ياموت

ف الخيال

اه ياسلام لو يوم سرحت

 وف الخيال

وقلت اشوف وياك امل

واسرق حياه ومن غير تعب

وسرحت نوبه وقلت هقدر

 اخطفك

جوايا نبع ونور بشايره

 تحلفك

تسبق نجومى وسكتى

اغزل بحبك دنيتى

تعشق ترفرف الف كلمه

 بشمعنا

تشعل وتنسج شوق شفايفه

 مسلمه

واسمع رنين العود يدغدغ ف الخيال

سحر المحبه المستبده بالامال

واسرح اقولها بقلب عايش سكتك

اااه ياسلام

لو يوم غرقت ف دنيتك
ــــــــــــــــــــــــــــــــــــــ

بعيش فرحه

يااحلى كلام مع الايام

 رسملى فى الهوى قصه

يقول ويعيد بأحلى وعيد

 ورمش العين مايتوصى

رسمتك شوق

 وف عيون الامل وبدوق

سعاده وفرح بالرصه

يااجمل حلم ف عيونى

وف جبينى لهواك مرسه

على خدودى

 وفوق عودى

بتتمايل 200 فرحه

بتنهيد السهر والليل

 وبالمواويل

بتحلى عيونى  واهى شرحه

بغنوايه معدية وف ايديا

بأحضن زهر ايامى واحلامى المنديه

وبغزل م الهوى مركب

وافجر زهرى واسرسب

ف ازهارى ولجل الحب ماهدارى

واقولها ف قلب مشوارى

 انا لجلك بعيش فرحه
انا لجلك بعيش فرحه

اهات الوجع

 

الشوق دا مات

 والحنين

عدى هنا بداله

صحى اهات الوجع

 والقلب يحلاله

احساسه مؤلم اكيد

 سارقنى لملامه

وبَذل رغم الاسى

 ساحبنى قدامه

حنينى رغم الفراق

ثاير بحنية

ينده على اللى راح

مايفوتنى وحديه

مش عارفه ليه الفراق

اوقاته محسوبة

هو الزمن نساى

ولا الامل عيبه

حنينى موجه انجرف

لخبط زمانى وراه

لما المزاج انحرف

 سرحت قلت الاه

لا قافيه نفعت فيه

 ولا حرف قال يانجاه

وقلمى حبره داب

من قسوتين وعتاب

رسايله اهيه مبهمه

مشاورها لحن وضيق

عَزفِت غناوى الضنى

هيمانه جوة طريق

غمضت عينى معاه

 وعيونى عشمانه

احضن ب ايدى الوجع

وشموعى غرقانه

وحيدة..اشكى حنين..

واسمع حفيف لشجار..

ويا هفيف الهوى.

شايل معاه اسرار

مجداف يجر الحنين

متعلقه بافكار

يطرب هوايا رنين

واسكت اقول ... محتااااااار

حلم

حلم وبرىء

طول عمره طاير ف السما

يغزل غناوى المشتاقين

من وسط كلمه حنينه

سايب ايديه

لجلن ما يحمى ضهرنا

شايل على كتافه الضنا

شايل دموع اللى انكوى

حلم وجالب دمعته

م اللى انطوى

راجع اكيد هيقول يعيد 

من وسط شمعه اللى استوى

مر ومرار ولا فيه انتظار

غير لما يسكت يختفى

صوت اللى صار ويا غروره 

وينطفى

يمكن صبايا عمرنا 

تقدر تطول 

امله اللى ظاهر فجر طارح

ف الشروق

بكل الفروق يظهر يدوق

طعم المحبه ف قلبنا

ماهو لجلنا راجع يغنى حلمنا 

ف وسط السما ..........

عودة التاااج

هذا التاج اهداء من الاخت الغاليه قمر وليل واشكرها لزوقها جدا واتمنى انى اقدر اتواصل مع موضوع التاج بصراحه اول مرة واتمنى تكون اجاباتى ومعلوماتى سلسه بسيطة للمتابعين وشكرا لكل من مر من مدونتى المتواضعه وميرسى ياقمر لأتاحه الفرصه الجميله دى ليا والشكر موصول قبلها للاستاذ جمال ابو العزصاحب اول تاج.

1/ ﻣﺎﺫﺍ ﺗﻤﺜﻞ ﻟﻚ ﻣﺪﻭﻧﺘﻚ ؟
مدونتى هى متنفسى لنقل مشاعرى الخاصه بالعاميه المصرية واحسبنى شاعرة للعاميه .. ومبسوطة جدا لانى اتعرفت من خلالها على اخووه واخوات فى قمة الذوق والادب ربنا يديم الود بينا

ﺱ2/ ﻣﺎﺫﺍ ﺗﻤﺜﻞ ﻟﻚ (ﺗﻌﻠﻴﻘﺎﺕ ﺍﻟﻤﺪﻭﻧﺔ) ؟ ﻫﻞ ﻫﻰ ﺃﺳﺎﺳﻴﺔ ﺃﻡ ﺗﻜﻤﻴﻠﻴﺔ ﻓﻰ ﻭﺟﻬﺔ ﻧﻈﺮﻙ ؟
التعليقات عندى هى التقويم الاساسى لكتاباتى .. ومن خلالها التعارف بيكون جميل بين اصحاب المدونات وفلسفتهم المختلفه .

ﺱ3/ ﻫﻞ ﺃﺭﺩﺕ ﻳﻮﻣﺎ ﺃﻥ ﺗﻜﺘﺐ ﻓﻰ ﺷﺊ ﻭﺧﺠﻠﺖ ﻣﻨﻪ ؟ ﻣﺎ ﻫﻮ ﺇﻥ ﻛﺎﻥ ﻳﻤﻜﻨﻚ ﺫﻛﺮﻩ ؟
بصراحه كتاباتى الرومانسيه وما اكثرها كنت من النوع الى بيخجل كثير فى نشرها من خلال المنتديات الادبيه اللى كنت بنتمى لها او على الفيس .انما مدونتى لقيت متنفس جميل علشان اكتب الرومانسية براحتى , وطبعا دا علشان طابعنا الشرقى ونظرة الاخرين للانثى وانها لو مجرد انها كتبت رومنسى يبقى علشان عايشة نفس التجربة ودا مش صح فى كثيرا من الاحيان لان المشاعر موجوده والاحاسيس كمان والشاعر بيحب يعبر بسرعه بقلمه عن ما يجول بالخواطر

ﺱ4/ ﻫﻞ ﻛﺘﺒﺖ ﺷﻴﺌﺎ ﺣﺪﺙ ﻟﻚ ﻭﻟﻜﻦ ﺑﺄﺳﻠﻮﺏ ﺗﻮﺭﻳﺔ ﺃﻯ ﻟﻢ ﺗﺬﻛﺮ ﺃﻧﻪ ﺃﻧﺖ ؟ ﻭﻫﻞ ﻛﻨﺖ ﺳﻌﻴﺪ ﺑﺎﻟﺘﻌﻠﻴﻘﺎﺕ ﻋﻠﻴﻪ ﺃﻡ ﻻ‌؟
اكيد حصل كثيرا وخصوصا فى قصايدى الذاتيه اللى بتتكلم عن نفسى بتكون حقيقة بتعبر عن مشاعر وقتيه ,انا بسعد بكل تعليقات اخوانى واخواتى ويارب دايما .

  5/ ﺃﻛﺜﺮ ﺷﺊ ﻳﺴﻌﺪﻙ ﻓﻰ ﻋﺎﻟﻢ ﺍﻟﺘﺪﻭﻳﻦ ؟ ﻭﺃﻛﺜﺮ ﻣﺎ ﻳﺤﺰﻧﻚ ﻓﻴﻪ ؟
عالم جميل يجمع بين الاخوة والاصدقاء وبين فلسفتهم الشخصية والاطروحات الراقية .. والعيب اللى فيه فعلا انشغال البعض الا ما رحم ربى فى الفيس وهجر التدوين .. وياريت نعمل حاجه جماعيه زى مووضع التاج كده ويتبناه احد الشباب للدعوه من خلال المدونات او الفيس لعودة الجميع لمدوناتهم سالمين ياريت اتمناها بجد

ﺱ6/ ﻗﻢ ﺑﻌﻤﻞ ﺇﺷﺎﺭﺓ ﻟﺨﻤﺲ ﻣﻮﺿﻮﻋﺎﺕ ﻗﺪﻳﻤﺔ ﻋﻠﻰ ﺍﻷ‌ﻗﻞ ﻓﻰ ﻣﺪﻭﻧﺘﻚ ﺗﺮﻳﺪ ﺇﺣﻴﺎﺋﻬﺎ ﻣﻦ ﺟﺪﻳﺪ ؟
اوقات كتير بعمل كده فعلا لبعض قصايدى المحببه الى نفسى او فازت فى بعض المسابقات الشعرية

       ﺱ7/ ﻧﺼﻴﺤﺔ ﺃﻭ ﻛﻠﻤﺔ ﻣﻮﺟﺰﺓ ﺗﺮﻳﺪ ﺃﻥ ﺗﻘﻮﻟﻬﺎ ﺑﺨﺼﻮﺹ ﺃﻯ ﺷﺊ ؟
مااجمل الثقه فى الله والتعايش مع اى الم تعيشه بالرضا والامل فى بكره


س8/موضوعات كتبتها وندمت على كتابتها؟
لا مافيش بتهيالى اى قصيده كتبتها وندمت لانها بتكون احاسيس ومشاعر وقتيه بعبر فيها عما يجول بالخاطر مش اكتر


س9/لمن تهدى هذا التاج؟
مش عاوزة احس انى بتقل على اى من اخوانى او اخواتى بس اتمنى ارسلها ل:
زهراء ,تركيب ,سعيد وحشه . محمد سلامه


كل الشكر لمتابعين مدونتى الكرام واتنمى انى اكون نجحت فى الاجابات ياقمر مساء الفل عليكم

روح العصر

كل حكايه اسمعها فى بلدى 

تشد ف ضعف الكون وتهاتى 

لما ظنون الدمع تقرب

 تسرق شوق الحب ليلاتى

ناس مشتاقه لشمسة يومها تعدى اوام

وناس مظلومه تصحى همومها مع الاحلام 

راحة بال الناس مبقيتش معاها تعدى

رغمن كل وسيله بقيت براحه وكله مهدى

حتى الشوق والفرح كمان ويا المشوار

حب يسرسب حاجه شريدة مع اللى اختار

قلب وشايل هم الدنيا وراح متحير

وقلب اهو سافر ويا الريح عمال يتغير

بين القرش وبين العتمه المره اهو شارد

سابح يسرق وقت لعمره زى المارد

كله بسرعه مافيش براحه ياخلق ياهو

حتى اللحظة الرايقه تملى بقيت سرقوه

 بين الخبط وبين الوش خلاص سجنوه

روح العصر كلمه تعلق فيها كلامك

 اعمل اعمى واعمل اخرس توه ف ايامك

نبض الدنيا العاكس فى الاحوال

 صبر يعلم عمرك كله يروح  ترحال

خايفه ياناس من قلة شوقنا نغوص ف بحور

وهم وضعف وخوف ولا طاقه نور

امسك روحك عدى بصبر تعيش مستور

ايون عدى بصبر تعيش مستور

عبثا

 عبثا ما اسخط احيانا

على قطف ورودى المروية

واقطع نبضى مشتاقا

لوصال جروحى المنسيه

فحديثى لجلك موصول

لاكمل تلك الاغنيه

ولقلبك جسرى محمول

على نغمة شوق وديه

فترفق بالعطر السارى

الى دربك يحكى برويه

وتناسى خجلى من قربك

فحياتى بعدك منهيه

اسررت الى نفسى حديثا

لتكون اوقاتى مقضيه

ف لعمرك ما اهوى غيرك

ولصدك اصبحت ضحيه

امسيت اناجى هنا طيفك

واحدث ورد الجورية

مفتون  بك ويا حياتى

ولعينك دنيايا سويه

************